Filipi 2:13 - En Taar Weru a nunuwu' é Tontemboan

¹³ Kamu ro'na menonou tanu siitu ampa'paan si Amang Kasuruan in esao si matawoi an até miow, akar kamu ro'na menonou kiit ing kasalé'an-Na wo ro'na imaéma' sé icasalé'-Na.

Filipi 2:13 Referans Kwoze

Ibrani 13:21

en tumu'tul im pakasa sé loor si paperlun iow e méma' sapa sé icasalé'-Na. Wo pekiupusenku ka'i wosama' si Amang Kasuruan matawoi an untep in atéta akar kita ro'na méma' sapa sé icasalé'-Na ampa'paano i Yesus Kristus. A si Yesus Kristuske' em pakasa i rarayo wo in sisiri' akar ing kauré-uré. Ulit.

2 Korintus 3:5

Kami ra'ica wana alasan eng kumua sapaoka kawooan ami méma' in tawoien anio', taan si Amang Kasuruan i méé mai icami makawoo.

2 Timotius 1:9

Aiwéé-Nao eng kalowiran ai cita wo tinowa-Na kita wosama' menonou le'nas kumiit ing kasalé'an-Na. Niéma'-Na waya en itu ra'ica ampa'paan kita maéma' ing kaloo-looran, taan ampa'paan pinewasa-Nao indior. An tutuw eng kayo'baan anio' ra'ipé' niéma'-Na, Sia mawasao tumambérai in upus-Na ai cita in tou ampa'paan i Kristus Yesus.

Roma 9:16

Anaé, si Amang Kasuruan sumisir tou ra'ica kumiit ing kasalé'an é tou, kuma'pa im pengaémaan é tou, taan Sia in esao en tumantu sapaoka Sia masalé' méé ing kaupusan-Na.

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

Yohanes 3:27

Isowat i Yohanes ai séra, “En tou ra'ica toro tumerima in sapa-sapa sa ra'ica aiwéé i Amang Kasuruan ai sia.

Efesus 1:11

Si Amang Kasuruan en tumu'tul im baya-waya kumiit ing kasalé'an wo im pinusé'-Na in esa. Wo ra'ipé' niéma'-Na eng kayo'baan kita sinisir-Nao, wosama' ro'na terimanta sapa sé aijanji-Nao iwéé ai cita ampa'paan kita imeesao ang karapi i Kristus.

1 Korintus 12:6

Wo ka'i membam-balinaan em pakatawoi si tawoien asi Amang Kasuruan owo, taan wayake' in esa si Amang Kasuruan si méé mai ing kawooan a sé tou en tumawoi in itu.

2 Tesalonika 1:11

Ampa'paan in itu ipenomba-nombayang ami kamu wosama' kamu anggapen i Amang Kasuruanta patus towan-Na, wosama' lekepen-Na eng kasalé'an iow e méma' sé loor ang karapi ing kaketeran-Na wo lekepen-Na ka'i pakasa en tawoien im paémanenmu.

Efesus 1:5

Si Amang Kasuruan mengaupus icita, ampa'paan in ituo tumo'tolke' mai indior aitantu-Nao kita mamuali toya-toyaang-Na ampa'paan i Yesus Kristus. Wo siituo en aitantu-Na kumiit ing kasalé'an-Na.

Efesus 2:8

Ampa'paan kamu linowir in upus aitambér i Amang Kasuruan an tutuw iow maéman. Eng kalowiran itu asalo aitambér i Amang Kasuruan, ra'ica wuéna im pakasa sé loor sé pinengaéma' miow.

Lukas 12:32

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Efesus 1:9

Intarépé' em pawasa-wasan itu aicua-Nao ai cita kumiit ing kasalé'an-Na, siituo si pawasan indior si pakaenepé' a sé tou. Wo em pawasa-wasan-Na itu pinusé'-Nao lekepen oka i Kristus.

Yohanes 6:65

Wo icua ka'i i Yesus, “Ampa'paan in ituo aicua-Kuo ai camu: Ra'ica wana mandé esake' tou e ro'na mai a Yaku sa kumiitke' ing kasalé'anna in esa. Si esa wo si esa tou ro'na mai a Yaku ampa'paano si Amang e méma' sia mai a Yaku.”

Roma 9:11

Wo ra'ipé' itumou sé rua toyaang itu, si Amang Kasuruan tumantuo im pawasa-wasa-Na. En itu ra'ica ampa'paan im pengaémaan é rua toyaang itu, ampa'paan an tutuw sé rua toyaang itu ra'ipé' maéma' sé loor wo sé léwo',

Yohanes 6:45

En itu aipatico ang kitap-kitap é nabi tana'i: ‘Séra im baya susuian oka i Amang Kasuruan.’ Anaé, si esa wo si esa tou sé lumingao wo tumerimao in sususuien i Amang, maai oka a Yaku.

1 Petrus 1:3

Irayoo mangé si Amang Kasuruan! Sia itu Amang i Apo'ta Yesus Kristus. Irayota Sia ampa'paan taloso wangko' eng kaupusan-Na ai cita akar kita imakéréo ing katouan weru, si katouan wuta im paarapen. Kita ro'na makéré ing katouan weru itu ampa'paan indior si Yesus Kristus itumouo sumawel am papaté.

Kisah Para Rasul 11:21

Wo eng kawasa i Casuruan mewali-wali wo iséra akar kelian tou ra'ica Yahudi maéman a si Yesus wo mape'dis.

Lukas 2:14

“Irayoo wo siriino mangé si Amang Kasuruan an tampa rumangka-rangka'! Wo am bawo ing kayo'baan wéan-Na mai ing kaeluran a sé tou sé mengaarui in até-Na.”

Roma 12:3

Ampa'paano si Amang Kasuruan itumambéro mai in upus-Na a yaku e mamuali ruru'du'an-Na, ampa'paan in ituo sina'uenku kamu im baya tana'i: Tioo kamu mengawerot andumoro' sé ilumébé mai asi patus paweroten iow. Taan weroteno mangé eng kawooan in owak iow sé isumoma, iciit im paémanen si aiwéé i Amang Kasuruan ai camu asi esa wo si esa.