Filipi 2:10 - En Taar Weru a nunuwu' é Tontemboan

¹⁰ wosama' pakasa sé an langit wo sé am bawo ing kayo'baan wo sé an darem ing kayo'baan kumundu oka e maapo' a si kawasa i ngaran i Yesus,

Filipi 2:10 Referans Kwoze

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Ibrani 1:6

Taan, an tutuw si Amang Kasuruan imutusai si Toyaang-Na luluna mai ang kayo'baan anio', icua-Na in tana'i, “Pakasa sé malaékat i Amang Kasuruan musti kumuru en sumiri' Sia.”

Efesus 3:14

Ampa'paan in ituo, an tutuwku tuma'néi waya in itu, yaku kumundu wo sumombayang a si Amang Kasuruan Amangta,

Wahyu 4:10

sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Efesus 1:10

Em pawasa-wasan-Na itu tana'i: Sa imayo en témpona, si Kristus mamuali oka kapala si mengaesa im pakasa sé an sorga wo sé ang kayo'baan.

Matius 27:29

Wo émaan éra esa mahkota am panga-pangana rintek tutunéan wo ipaké éra an do'kos i Yesus, wo wéan éra kéndo' esa weka' ang kama kakan-Na. Wo séra kumundu an dior-Na en suméro' Sia, “Siri' a si colano é tou Yahudi!”

Wahyu 20:13

Wo isarakan in ta'sic sé tou imaté an untepna, wo isarakan ka'i im papaté wo eng kakolanoan im papaté sé tou imaté an untepna. Wo séra si esa wo si esa akimen kiit sé pinengaéma' éra.

Efesus 4:9

Anaé, sa aicua, “Sia sumosor angé asi tampa rumangka-rangka',” tantu Sia isumangkumo tumumpa mai asi tampa si rumare-rarem ang kayo'baan.

Roma 11:4

Wo sapa en aisowat i Amang Kasuruan a si Elia? “Awéané' pitu ngariwu tou Israel sé aitela'u-Kuo torona Yaku. Séra ra'ica kawisa maapo' a si Baal.”

Matius 12:40

Ampa'paan kaputé i nabi Yunus mento' an untep im poot i sera' wangker telu ngando wo telu ngawengi, taniituo ka'i mai si Toyaang i Tou mento' oka an untep ing kubur telu ngando wo telu ngawengi.

Wahyu 5:3

Taan ra'ica wana mandé esaké tou e makawoo muka' ing gulungan kitap itu kuma'pa suméré sé an untepna, mandé sé an sorga, sé ang kayo'baan kuma'pa sé an darem ing kayo'baan.