Filipi 1:28 - En Taar Weru a nunuwu' é Tontemboan

²⁸ Kamu ra'ica toro maindé' a sé tou sé mengasundur icamu. Sa kamu ra'ica maindé', kailekan éra oka sapaoka sérao sé ukumen patén wo icamuo sé lowiren oka i Amang Kasuruan.

Filipi 1:28 Referans Kwoze

Matius 10:28

Tioo kamu maindé' a sé tou sé asalo makawoo maté in owak iow taan ra'ica wana kawasa e maté i mu'kur iow. Taan maindé'o mangé a si Amang Kasuruan si makakawasa e maté in owak wo i mu'kur iow a naraka.

Roma 8:17

Wo sa kita toya-toyaang i Amang Kasuruan, kita awéan hak e makéré im bagéan asé im pakasa sé aitu'tulo i Amang Kasuruan torona é toyaang-Na. Wo terimanta oka en itu mewali-wali wo si Kristus. Wo sa kita mawendu meputé in sinangkumai i Kristus, kita ka'i tumerima oka i rarayo wo in sisiri' kaputé i Kristus.

Ibrani 13:6

Ampa'paano in itu, icita ra'ica maindé' makua, “Si Amang Kasuruan oka en tumawang yaku, yaku ra'ica maindé'. Ra'ica wana tou e ro'na méma' in sapa-sapa a yaku.”

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.

1 Tesalonika 2:2

Kailekan iow ka'i, an tutuw ami ra'ipé' mai ai camu, kami niokoio wo aiséroo an Filipi. Taan mandé ka'i in taniitu kami tinawango i Amang Kasuruan wosama' kami ra'ica wana eng kaindé'an eng kumua in Abar Kaaruien-Na ai camu.

Lukas 3:6

Wo pakasa en tou ang kayo'baan suméré oka tambisa si Amang Kasuruan lumowir sé tou.’ ”

Kisah Para Rasul 28:28

Wo icua ka'i i Paulus, “Musti kailekan iow sa en abar andumoro' ing kalowiran itu aicuao a sé tou ra'ica Yahudi wo tantu teriman éra oka, anaé séra tantu lowiren oka.” [

Yohanes 16:8

Sa Sia mayo, ituru'-Na oka a sé tou ang kayo'baan andumoro' ing kamesé-meséaan wo andumoro' si wutul, wo andumoro' in ukuman i Amang Kasuruan si maai oka.

Markus 3:3

Icua i Yesus a si tou eng kamana esa mapalaio, “Mayo, tumulungo mai an uner!”