Filemon 1:9 - En Taar Weru a nunuwu' é Tontemboan

⁹ taan ampa'paan ing kaupusanmu a sé tou, lébé loor pekiupusenku ai co ang karapi in lekep en até. Wopé'ka'i aku anio' Paulus matu'ao wo ka'i intarépé' binui ampa'paan i Kristus Yesus.

Filemon 1:9 Referans Kwoze

Efesus 4:1

Yaku Paulus si binui ampa'paan maselewir si Casuruan, sina'- uenku kamu sé tinowao i Amang Kasuruan wosama' kamu menonou kumiit in totowa itu.

2 Korintus 5:20

Anaé, icamio sé a yutus i Kristus. Sa kami sumina'u icamu, en itu meputéo si Amang Kasuruan sumina'u. Wo ang karapi i ngaran i Kristus, uli-ulit pekiupusen ami, wosama' icamu meeluran wo si Amang Kasuruan.

Roma 12:1

Poo-poowku an esa paémanen! Ampa'paan si Amang Kasuruan itumuru'o ing kaupusan-Na ai cita, ampa'paano in itu sina'uenku kamu wosama' kamu méé in owak iow tanu raragés menonou, si le'nas wo ka'i si méma' in até-Na arui. Siituo em pengaapo' iow si mauli-ulit.

Efesus 3:1

Yaku Paulus binui ampa'paan makua in Abar Kaaruien andumoro' i Yesus Kristus ai camu tou ra'ica Yahudi.

1 Petrus 2:11

Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.

Ibrani 13:19

Wo pekiupusenku ai camu, isombayang angé aku wosama' rior maréngai ai camu.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Galatia 3:26

Kamu im baya imamualio toya-toyaang i Amang Kasuruan ampa'paan maéman a si Yesus Kristus.

Efesus 6:20

Yaku ayutus mengakua in Abar Kaaruien itu, wo ampa'paano in Abar Kaaruien ituo, akar in intarépé' aku pakabuin. Isombayang angé, wosama' ra'io wana eng kaindé'anku makua in Abar Kaaruien itu, tambisa si musti cuaku a sé tou.

1 Timotius 1:12

Yaku kumua i makapulu'sama' a si Kristus Yesus Apo'ta, ampa'paan Siao si méé mai ing kaketeran a yaku. Anggapen-Na aku tou le'tek ai Sia, akar tinokéan-Na mai aku mamuali maselewir ai Sia.

Titus 2:2

Sina'uenmu mangé sé tuama matu'a wosama' makawoo tumang in owak, makaperi loor akar pasiriin é tou, mapaké ing kapinteran asi Casuruan owo, tatapke' maéman a si Casuruan, mengaupus sé kakélé tou wo talesen mengasaru ing kawenduan.