Filemon 1:24 - En Taar Weru a nunuwu' é Tontemboan

²⁴ Sé kara-karapiku an esa tawoien, si Markus, si Aristarkhus, si Demas wo si Lukas, séra ka'i cumirim mai in siri' ai co.

Filemon 1:24 Referans Kwoze

Kolose 4:14

Si Dokter Lukas si caupus ami méé ka'i mai in siri', taniitu ka'i si Demas.

Kolose 4:10

Si Aristarkhus, si binui mewali-wali wo yaku méé ka'i mai in siri' ai camu taniitu ka'i si Markus, si toyaang metuari wo si Barnabas. Andumoro' si Markus anio' sumangkumo aicuaku ai camu sapaoka sa sia maai, terimano mangé sia ang karapi in sama'.

Kisah Para Rasul 19:29

Wo malicokoo waya sé ang kota itu. Tangkaan éra si Gayus wo si Aristarkhus wo iwali éra an stadion. Séra in dua itu tou Makedonia sé mewali-wali mai wo si Paulus am bawayaanna.

Kisah Para Rasul 12:12

Kekawusna memero-merot toyo', wo sia mangé am balé i Maria inang i Yohanes. Si Yohanes itu pengatuulen ka'i Markus. Am bitu kelian tou imali'us wo masombayang.

Kisah Para Rasul 27:2

Wo kami im baya sumaké ang kapal an Adramitium owo, si menuli-nuli oka am pasuwa-suwaan ing kapal an Asia. Wo awéan esa tou icumiit icami, makangaran Aristarkhus, si tou Makedonia ang kota Tesalonika owo.

Kisah Para Rasul 12:25

An tutuw i Barnabas wo si Saulus sumarakano in doit ipatawang an Yerusalem wo séra maréng sumawel an Antiokhia. Awéan esa tou si kumiit mewali-wali mai wo iséra an Yerusalem owo. Si tou itu makangaran Yohanes, si pengatuulen ka'i i Markus.

3 Yohanes 1:8

Anaé, séra musti teriman wo tawangenta, wosama' kita ro'na mamuali kara-karapi an tawoien en sumusui in sususuien wutul i Amang Kasuruan.

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

Filipi 2:25

Wo anggapenku ka'i perlu yutus angé sumawel si Epafroditus ai camu si aicirim iow en sumelewir ing kaperluanku. Sia imamuali poow an esa paémanen wo katawoiku mengakua in Abar Kaaruien andumoro' i Yesus Kristus wo mewali-wali maraméji méma' in tawoien si airu'du' i Amang Kasuruan.

2 Korintus 8:23

Si Titus karapiku matawoi en sumémbong ai camu. Wo sé rua poow itu, sé mangé ang karapina, séra sé tou ayutus é jamaat wo sé marayo wo masiri' si Kristus ang karapi im pakaselewir éra.

Kisah Para Rasul 13:13

Wo itela'u i Paulus em Pafos am pulou Siprus, sia wo sé kara-karapina suméngkot angé am Perga an sangkum im Pamfilia. Taan tela'u i Yohanes séra wo sia maréng angé an Yerusalem.

1 Petrus 5:13

Sé jamaat am Babel iméé mai in siri' ai camu. Séra sinisiro i Amang Kasuruan meputé ka'i kamu sinisir-Na. Taniitu ka'i si Markus si nianggapkuo toyaangku, sia méé mai in siri' ai camu.