Filemon 1:22 - En Taar Weru a nunuwu' é Tontemboan

²² Wo ka'i tu'tulio' tampa en loséranku am balému, ampa'paan aku maarap, en somba-sombayang iow sowaten i Amang Kasuruan wosama' yaku ro'na maréng angé sumawel ai camu.

Filemon 1:22 Referans Kwoze

Filipi 2:24

Wo percayanku sa woo énannai i Apo' Yesus yaku in esa ka'i makala'us oka mai ai camu.

2 Korintus 1:11

Pekiupusen ami ai camu atasanai in sombayang wosama' si Amang Kasuruan tumawang icami. Wo in taniitu sowaten i Amang Kasuruan en somba-sombayang akar keli en tou kumua makapulu'sama' a si Amang Kasuruan ampa'paan ing kamang sé tinerima ami wo ampa'paan in sombayang é tou keli.

2 Yohanes 1:12

Keliané' woo em paticku ai camu, taan aweso taré ra'ica an surat. Em paarapenku maai oka meta'up wo icamu wo mepaar ang karapi miow. Wo in taniitu en atéta wutu-wutul arui.

Yakobus 5:16

Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.

Filipi 1:19

ampa'paan kailekanku sapaoka maai oka en témpona aku icesot am bui, ampa'paano im penomba-nombayang iow wo ka'i en tatawang i Roh i Yesus Kristus a yaku.

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

3 Yohanes 1:14

Paarapenku ra'io uré ka'i aku meta'up wo ico wo kita ro'na mepaar mewali-wali.

Ibrani 13:23

Icasalé'ku kailekan iow sapaoka si Timotius poowta aicesoto am bui. Sa sia icateka'o am bia'io, kami in dua makala'us mewali-wali oka maangé ai camu.

Ibrani 13:19

Wo pekiupusenku ai camu, isombayang angé aku wosama' rior maréngai ai camu.

Roma 15:24

Anaé, em paarapenku ro'na woo tumuli wo meta'up ang karapi miow a Roma an tutuw aku maangé an Spanyol, akar en atéku uli-ulit arui mewali-wali wo icamu a mangé mbitu. Kekawus in itu, kamu ka'i paarapenku ro'na tumawang yaku an tutuw aku lumala'us im bawayaanku maangé an Spanyol.

Kisah Para Rasul 27:24

Icua i malaékat itu a yaku, ‘Paulus, ra'ica toro maindé'! Ico musti mangé sumaru a si Kaisar Romawi. Si Amang Kasuruan itumambéro mai in upus-Na ai co wo ampa'paano ico pakasa en tou sé suméngkot mewali-wali wo ico malowir oka.’