1 Timotius 1:4 - En Taar Weru a nunuwu' é Tontemboan

⁴ Wo icua mangé ka'i ai séra wosama' ra'io toro mengasisil in sisisilen sé asalo niéma' é tou wo sisisilen andumoro' é apo-apo' sé aipatic taloso lambot. Pakasa en itu asaloke' méma' ing kaperéndéran wo ra'ica tumawang sé tou kumiit ing kasalé'an i Amang Kasuruan e makéré ing kalowiran.

1 Timotius 1:4 Referans Kwoze

Titus 3:9

Wo ko ra'ica toro mapaar im papaaren sé ra'ica wana torona wo andumoro' in sisisilen taranak é apo-apo' miow, ra'ica toro meindo-indoan roma'. Wo ko ka'i ra'ica toro meréndéran andumoro' in ukum Torat. Ampa'paan pakasa en itu ra'ica wana torona wo uli-ulit ra'ica wana torona.

Titus 1:14

Wo péronenio' séra sé mengalinga in sisisilen sé asalo niéma' é tou Yahudi wo péronenio' ka'i séra wosama' ra'ica makiit in atoran-atoran é tou sé mengakélong in sususuien wutul.

1 Timotius 4:7

Taan tumayang angé a sé tou sé masisil in sisisilen sé asalo niéma' é tou wo in sisisilen ra'ica wana torona. Aweso taré penganaramenmu sumama-sama' en owakmu mengaapo' a si Amang Kasuruan.

2 Timotius 4:4

Séra ra'ica kiim luminga in sususuien wutul i Casuruan, taan masalé'ke' luminga in sisisilen sé asalo niéma' é tou.

2 Petrus 1:16

Aisusuio ami ai camu andumoro' ing kawasa i Apo'ta Yesus Kristus wo andumoro' ka'i Sia maai sumawel. Sapa sé aisusui ami itu ra'ica sisisilen sé asalo niéma' é tou, ampa'paan icamio in esa en suméré ing kawangko'-Na.

1 Timotius 6:20

Timotius, musti téiranmu sumama-sama' waya sé aitoké i Casuruan ai co. Ra'ica toro kumiit memaa-maar sé ra'ica wana torona sé ra'- ica masiri' si Amang Kasuruan, wo ka'i tioo kumiit meindo-indoan roma' in andumoro' sé pakua é tou “kapinteran”, en ulitna siitu ra'ica kapinteran taan asalo meindo-indoan roma' andumoro' i nunuwu'.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

2 Timotius 2:14

Pokéiano mangé sé tou maéman andumoro' im pakasa sé aicuaku ai co. Icua mangé ai séra ang karapi i mauli-ulit an dior i Amang Kasuruan sapaoka séra ra'ica toro meindo-indoan roma' andumoro' ing kaangéan i nunuwuun itu, ampa'paan en itu ra'ica wana torona wo asalo lumicoko sé tou iluminga in itu.

2 Timotius 2:22

Ampa'paan ituo, tumayango mangé ko asé kasalé-salé'an sé manaram pengaémaan é tou wo'bas. Taan ko rumaméji mangé mengaéma' in tana'i: Ra'ica mengarapit, lume'tek angé a si Casuruan, mengaupus angé sé kakélé in tou wo menonou angé elur wo sé kakélé tou. Émaano mangé waya en itu mewali-wali wo sé pakasa in tou sé maémano a si Casuruan ang karapi in até weresi.

1 Timotius 6:11

Taan ko é Timotius, ico tou i Amang Kasuruan, tumayango mangé ko asé pakasa ing kaléwo-léwo'an. Rumaméjio mangé ko kumiit sé anio': tioo mengarapit, mengaapo' mangé makiit ing kasalé'an-Na, le'tek maéman a si Yesus, mengaupus sé kakélé tou, talesen mengasaru ing kasusaan wo ko'kos en até.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

Titus 1:1

En surat anio' a yaku owo, Paulus. Yaku anio' ata i Amang Kasuruan wo ruru'du'an i Yesus Kristus. Yaku ayutus en tumawang sé tou sinisiro i Amang Kasuruan wosama' em paémanen éra makaketer wo ro'na makailek in sususuien wutul. En sususuien itu en tumawang iséra tumambisa menonou mengaapo' a si Amang Kasuruan.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

Efesus 3:2

Tantu pinalingao miow andumoro' in tawoien si aiwéé a yaku eng kumua in upus aitambér i Amang Kasuruan ai camu tou ra'ica Yahudi.

2 Timotius 2:23

Tioo ko meindo-indoan roma' andumoro' i roroma' sé ra'ica wutul wo ra'ica patus. Kailekanmu sa meindo-indoan roma' taniitu mengaéma' ing kaperéndéran é tou.