Nol Əpən 4:11 - North Tanna

¹¹ “Rəhatɨmat Iərəmərə Uhgɨn, Ik nakətuatɨp, mahmen agɨn məmə onakos nənwiwiən rafin, ne nɨsiaiiən rafin, ne nəsanənən rafin, məto-inun ik nəmol natɨmnat rafin. Ik nəmol ilat məto-inu ik nəmolkeike məmə ilat okotatɨg. Kən məto-inu ik nəmolkeike nəhlan, ilat kotatɨg əh.”

Nol Əpən 4:11 Referans Kwoze

Nol Əpən 5:12

Kən ilat kotan əfəməh napuən məmə: “!Nətɨ Sipsip itəm kəmohamnu, in tətuatɨp mahmen agɨn məmə kotənwiwi in, məto-inu tatos rafin nəsanənən, ne nautə, ne nenatɨgən, ne nahgin, ne nepətən əhag-əhag! !Təwɨr agɨn-əh məmə koatɨsiai-in!”

Nol Əpən 10:6

kən matos noanawɨl e etəm tətatɨg lilɨn, etəm təmol nego e neai ne natɨmnat rafin itəm koatatɨg lan, ne nətueintən ne natɨmnat rafin itəm kotatɨg lan, ne nɨtəhəi ne natɨmnat rafin itəm kotatɨg lan, kən məmə, “!Uhgɨn otəsəsahgin mɨnən!

Nol Əpən 14:7

In tatən əfəməh məmə, “Otəgɨn motɨsiai-in Uhgɨn, kən motən nɨpahrienən e rəhan nepətən, məto-inun nian ətuatɨp rəhan tɨnuwa, o nos-ipənən nalpɨnən kəm netəmim. Otəfak kəm in, etəm təmol nego e neai, ne nətueintən, ne nɨtəhəi, ne nəmtɨ nəhau mɨn.”

Nol Əpən 5:9

Kən nat mɨn un itəm koatəmegəh ilat kuwɨt ne netəm-iasol itəm kəmotəwiətən, kəmotan napuən wi kit məmə, “Ik nakətuatɨp, mahmen agɨn o nɨləsən naoa u, kən meatɨp rəkɨs nat mɨn itəm kəmuwaan ətain lan, məto-inun kəmohamnu ik, kən nəmos-nəmtɨn netəmim e nɨtam məmə ilat rəha Uhgɨn. Kən ilat kəmotɨsɨ-pən e noanol mɨn rafin, ne nəghatən mɨn rafin, ne kantri mɨn rafin, ne netəm nuwigɨlat tol pɨsɨn pɨsɨn mɨn,

Hiprus 1:10

Kən Uhgɨn tatən-ipən mɨn kəm in məmə, “Iərəmərə, e nətuounən, ik nəmol nətueintən u, mol in təskasɨk. Kən e nelməm atɨp əm, ik nəmol natɨmnat rafin itəm kotatɨg e neai.

Naoa itəm Pol təməte tuwɨn kəm iəfak mɨn ikɨn Rom 11:36

Tol nəhlan məto-inu Uhgɨn təmol natɨmnat rafin, kən natɨmnat rafin koatatɨg məto-inu nəsanənən rəhan tətaskəlɨm ilat, kən natɨmnat rafin in təmol məmə rəhan. !Pəs kitat kotos-ipən nənwiwiən kəm in tatuwɨn matuwɨn namnun tɨkə! Əwəh.

Efesas 3:9

kən ekol əp kəm netəmim rafin nolən itəm Uhgɨn təmol rəhan nalpəkauən anion otuwa met-arəp. Uhgɨn u təmol natɨmnat rafin, in təmatəhluaig-in nalpəkauən əh nuwəh rəkɨs.

Wək Mɨn 14:15

“!Ei, nəman! ?Nakotəmə nəkotol nat un o naka? Itɨmlau etəmim əm tahmen etəmat. Etios namnusən təwɨr matuea kəm itəmat, kən ekioalkeike məmə ekuəuhlin nətəlɨgən rəhatəmat məmə nakotapəs nəfakən kəm uhgɨn mɨn u itəm rəhalat nəsanənən tɨkə. Məto onəkotəfak əm kəm Uhgɨn itəm tatəmegəh, mətatɨg namnun tɨkə. In pɨsɨn əm təmol neai, nəptən, nɨtəhəi, ne natɨmnat rafin itəm koatatɨg ikɨn mɨn rafin.

Wək Mɨn 17:24

Uhgɨn əh inəh təmol nəptən u, ne natɨmnat rafin itəm koatatɨg lan, kən in matərəmərə e neai ne nəptən, in təsatɨgən e niməfak mɨn itəm kitat əm netəmim kəmotol.

Nol Əpən 5:2

Kən eməplan nagelo əsanən kit tətagət əfəməh matən-iarəp məmə, “?Pah u in tahmen mətuatɨp məmə oteatɨp rəkɨs nat itəm kəmuwaan ətain e naoa u, kən murapɨk?”

Hiprus 1:2

Məto roiu əh, kɨnotegu-pən e namnun nian, kən tɨnatəghat ətuatɨp əm kəm kitat e Nətɨn, itəm in təmɨləs-ipər məmə otərəmərə e nautə rafin rəha tata rəhan. Kən e Nətɨn əh, in təmol natɨmnat rafin e nətueintən.

Nol Əpən 1:6

In Kig rəhatat, kən təmol kitat kotatɨg ahgin rəhan nərəmərəən, kən mol kitat kotuwa pris mɨn rəha Uhgɨn rəhan, koatol wək rəha Tata rəhan. !Pəs nənwiwiən o rəhan nepətən ne nəsanənən tuwɨn o Iesu Kristo, namnun tɨkə! !Pəs in otərəmərə lilɨn! Pəs otol nəhlan. Əwəh.

Nol Əpən 19:1

Uarisɨg e nəghatən rəha nagelo əh, ekəto nəwiali nat kit tahmen e netəmim tepət tepət kotagət əfəməh əpəh e nego e neai, moatən məmə, “!Pəs kotənwiwi Iərəmərə! !In Uhgɨn u, təmosmegəh kitat! Nepətən əhag-əhag ne nəsanənən in rəhan pɨsɨn əm,