Nol Əpən 21:3 - North Tanna

³ Kən əmun ekəto nəwian asol kit təmɨsɨ-pən əpəh e jea rəha kig matən məmə, “!Əplan-tu! Roiu əh, Uhgɨn tɨnol latuənu rəhan ilat netəmim. In otətatɨg ilat min, kən ilat okotuwa rəhan mɨn netəmim. Kən Uhgɨn ətuatɨp in otətatɨg olat, kən in rəhalat Uhgɨn.

Nol Əpən 21:3 Referans Kwoze

2 Korin 6:16

E Nimə Rəha Uhgɨn, ikɨn kit tɨkə əh-ikɨn o narmɨ nat mɨn, məto-inu kitat u Nimə Rəha Uhgɨn itəm tatəmegəh. Kən Uhgɨn təmən məmə, “Ekatɨg itɨmat min ilat, kən maliwək itɨmat min ilat, kən ekuwa io Uhgɨn rəhalat, kən ilat okotuwa rəhak netəmim.”

Namnusən Təwɨr Rəha Iesu Kristo Itəm Jon Təməte 14:23

Məto Iesu tən-ipən kəm in məmə, “Etəmim itəm tolkeike io, in otatol nəwiak, kənu rəhak Tata in otolkeike in. Kənu io ne rəhak Tata, itɨmlau ekueia mətuatɨg itɨməhal min. Kən itɨmlau ekioal imatɨmlau əh-ikɨn.

Hiprus 8:10

Kən io, Iərəmərə, iatən-iarəp məmə, e nian itəm otəpanuwa, io oekol nəniəkɨsən wi kit rəha nasituən kəm noanol mɨn rəha Isrel. Oekos-ipən rəhak lou mɨn e rəhalat-kapə, kən oekəte rəkɨs-pən e nɨkilat, kən io ekuwa mol Uhgɨn ətuatɨp rəhalat, kən ilat okotuwa kol rəhak ətuatɨp netəmim.

Hiprus 11:16

Ilat kotolkeike iməlat ik pɨsɨn kit itəm təwɨr maprəkɨs, inun e nego e neai. Kən o nat u, in təsaulɨs-inən məmə okən məmə in rəhalat Uhgɨn. Kən Uhgɨn təmol əpen-əpenə rəkɨs e taon kit ikɨn əh.

Nol Əpən 7:15

Kən tol nəhlan, “ilat kotətul aupən e nɨganəmtɨ Uhgɨn, itəm tatəpələh matərəmərə, kən moatəfak kəm in e nərauiəgən ne lapɨn e Rəhan Nimə; kən kig u itəm tatəpələh-pər e jea, in otahgɨl kəm ilat mɨn nian rafin.

2 Korin 6:18

“Kən ekuwa rəhatəmat tata, kən itəmat onəkotuwa nenətɨk mɨn,” inu nəghatən rəha Iərəmərə itəm in ilɨs agɨn.

Nol Əpən 21:7

Etəmim itəm otatətul-iəkɨs mol win e nəluagɨnən rəhan, io ekos-ipən natɨmnat itəm emən-iəkɨs rəkɨs kəm in. Io ekuwa rəhan Uhgɨn, kən in otuwa nətɨk.

Namnusən Təwɨr Rəha Iesu Kristo Itəm Jon Təməte 1:14

Nəghatən əh, in təmuwa etəmim, mətatɨg kitat min. Kən itɨmat emotəplan rəhan nepətən, kən nəsanənən asol ne nəhag-əhagən rəhan e nɨganəmtɨtɨmat. Inu, in nəsanənən asol ne nəhag-əhagən rəha Noan Kitiəh Əm, itəm in təmɨsɨ-pən e Tata Uhgɨn. In tərioah e nəwɨrən itəm tətawte-in kəm kitat, kən mərioah mɨn e nɨpahrienən.

Nol Əpən 12:10

Kən əmun eməto nəwian asol kit əpəh ilɨs e nego e neai. Təmə, “!Roiu əh, Uhgɨn rəhatat in tɨnosmegəh itat! !Roiu əh in tɨnol-arəp məmə in tatos nəsanənən, kən roiu əh, in tɨnatərəmərə! Kən roiu əh, Kristo rəhan təmol məmə in tatos mɨn nəsanənən ne nepətən e natɨmnat mɨn rafin. Tol nəhlan məto-inu roiu əh, kɨnərakin-iəhau Setan e nɨganəmtɨ Uhgɨn. Setan u, itəm tatətu-pən-ətu-pən nat e piətat mɨn lapɨn ne lenian, mən-iarəp nɨpəgnəmtɨn mɨn rəhan matətu-pən elat e nɨganəmtɨ Uhgɨn.

Nol Əpən 10:8

Kən əmun, ekəto mɨn nəwian əh təmɨsɨ-pən e nego e neai, matən-ipa mɨn kəm io məmə, “Uwɨn, mɨləs naoa kəmurapɨk əh itəm tatəməhl-pən e nelmɨ nagelo itəm tatətul-pən e nɨtəhəi ne nəptən.”

Nol Əpən 10:4

Kən nian kaluəluə təmatɨperəh mau sepɨn matuhalpɨn rəhan nəghatən, kən nɨkik natəht məmə oekəte rəkɨs nəghatən itəm in tatən. Məto enəto nəwian kit tatɨsɨ-pər e nego e neai matən məmə, “Əhluaig-in nəghatən u itəm kaluəluə tatən, səte rəkɨsən.”

1 Tesalonaeka 3:11

Kən pəs rəhatat Uhgɨn atɨp, u Tata rəhatat, ne Iərəmərə Iesu rəhatat, kioal suatɨp rəhatɨməhal məmə ekəhalɨmnə məhalehm itəmat.

Hiprus 8:2

In tatol wək əpəh Ikɨn Tasim Ikɨn e nego e neai, inu Nimə Tapolən pahrien itəm Uhgɨn əm təmiuw. Sənəmə etəmim itəm təmiuw Nimə Tapolən əh.

Nol Əpən 22:3

Nat tɨkə agɨn ikɨn əh itəm təike mos nalpɨnən rəha Uhgɨn. Kən jea rəha Uhgɨn ne Nətɨ Sipsip in əh-ikɨn əh, katuərəmərə ikɨn. Kən rəhan iolwək mɨn okotəfak kəm in.