Nol Əpən 16:5 - North Tanna

⁵ Kən əmun eməto nagelo itəm tərəmərə e nəhau mɨn təmə, “Ik pɨsɨn əm ik Uhgɨn, nakətuatɨp, ik un itəm nəkətatɨg kən nəmətatɨg, kən tətuatɨp əm məmə onəkol nalpɨnən kəm ilat nəhlan.

Nol Əpən 16:5 Referans Kwoze

Nol Əpən 11:17

motəmə, “Iakoatən tagkiu kəm ik, Iərəmərə Uhgɨn Nahgim Tepət Pɨk Agɨn, etəm un ik nətatɨg un itəm nətatɨg roiu, kən nəmətatɨg aupən, məto-inu ik nəmos rəham nəsanənən asol, kən mɨnətuoun matərəmərə.

Nol Əpən 1:8

Iərəmərə Uhgɨn tatən məmə, “Io Nəukətɨn ne Namnun. Io u etatɨg roiu, kən emətatɨg lilɨn, kən epanətatɨg lilɨn mɨn, kən io un, Nahgik Tepət Pɨk Agɨn.”

Nol Əpən 1:4

Io Jon, etahl-ipən naoa u tatuwɨn kəm niməfak mɨn ilat sepɨn əpəh e nɨtən Esia. Pəs Uhgɨn u itəm tətatɨg roiu, təmətatɨg lilɨn, kən otəpanatɨg lilɨn mɨn, in otawte-in rəhan nəwɨrən ne nəməlinuən kəm itəmat. Kən pəs narmɨn ilat sepɨn itəm koatatɨg aupən e jea rəha kig, ilat mɨn okotol nulan etəmat.

Nol Əpən 4:8

Nat mɨn əh itəm koatəmegəh, ilat kuwɨt, məto nɨməlməlɨlat ilat sikis, kən nɨganəmtɨlat tɨrəfin əpnapɨn əm ilat, muwɨn əpəh e nəwtain nɨməlməlɨlat ləhau ikɨn ne. Nian rafin ilat kotan napuən lapɨn ne lenian, məsotamegən, koatan məmə: “!Iərəmərə Uhgɨn Nahgin Tepət Pɨk Agɨn in tasim, tasim, tasim pɨk agɨn, itəm in tətatɨg roiu, təmətatɨg lilɨn, otəpanətatɨg lilɨn!”

Naoa itəm Pol təməte tuwɨn kəm iəfak mɨn ikɨn Rom 2:5

Məto rəhatəmat-kapə tiəkɨs, kən məsotəuhlinən itəmat e rəhatəmat nolən rat mɨn. Kən o nat u, nakotargətain neməha ne nalpɨnən rəha Uhgɨn otəmat. Kən onəkotos neməha ne nalpɨnən rəhan e nian Uhgɨn otol əp rəhan nələhəuən nəghatən itəm tətuatɨp.

Nol Əpən 16:7

Kən ekəto mɨn olta tətagət əfəməh məmə, “!Əwəh! Iərəmərə Uhgɨn Nahgin Tepət Pɨk Agɨn, rəham nəghatən nəmuəh netəmim lan, in tətuatɨp agɨn, kən nɨpahrienən.”

Naoa itəm Pol təməte tuwɨn kəm iəfak mɨn ikɨn Rom 3:5

Məto kəm-naka suah kit otən e nətəlɨgən rəha etəmim əm məmə, “Kitat koatol nolən itəm təsətuatɨpən. Məto nolən rat rəhatat tatəgətun məmə Uhgɨn tatol tətuatɨp nian rafin. ?Kən okəmə nolən rat rəhatat tatɨləs-ipər nərgɨ Uhgɨn, məto in otol nalpɨnən kəm kitat o naka? Rəhan nolən təsətuatɨpən.”

Nol Əpən 19:2

məto-inu nakilən rəhan in tətuatɨp pahrien. Rəhan nəghatən tɨnuəh rəkɨs pətan ionəhan u, itəm təmit əpnapɨn netəmim, kən tɨnətalpɨn nɨta rəhan iolwək mɨn.”

Nol Əpən 16:4

Kən nagelo nampa tri, təməhtəg-iarəpən rəhan pesɨn e nəmtɨ nəhau mɨn ne nəlugɨ nəhau mɨn, kən ilau kueia mioal nɨta elau.

Namnusən Təwɨr Rəha Iesu Kristo Itəm Jon Təməte 17:25

“Tata, ik nakətuatɨp agɨn. Netəmim rəha nətueintən u, ilat kotəruru ik, məto io ekɨtun ik. Kən netəm mɨn u rəhak mɨn, ilat kotɨtun məmə ik nəmahl-ipa io.

Nol Əpən 6:10

Ilat kotaun əfəməh moatən-ipən kəm Uhgɨn məmə, “Ik nakərəmərə e natɨmnat rafin, ik nakasim, kən ik nɨpahrienən. ?O nəghan ne kən ik onakələhəu nəghatən məmə netəm rəha nətueintən kəmotol tərat, kən mol nalpɨnən kəm ilat o nat itəm kəmotol etɨmat? ?Onagəhən nakalpɨn nɨtai nɨtatɨmat e netəm mɨn əh?”