Nol Əpən 15:4 - North Tanna

⁴ ?Pah otəsaginən ik, Iərəmərə? ?Kən pah otəsos-ipənən nənwiwiən o nərgəm? Məto-inu ik pɨsɨn əm nakasim. Netəmim e kantri mɨn rafin okotuwa kən motəfak e nɨganəmtɨm, məto-inun nəmol-arəpa rəham nolən ətuatɨp mɨn.”

Nol Əpən 15:4 Referans Kwoze

Nol Əpən 11:15

Nagelo itəm tatol sepɨn lan təmahl rəhan təwi, kən əmun nəwian asol mɨn kəmotɨsɨ-pən e nego e neai motən məmə, “Rəhatat Iərəmərə ne rəhan Kristo, ilau kɨnatuərəmərə e nətueintən rafin agɨn, kən nərəmərəən rəhan, otətatɨg lilɨn.”

Nol Əpən 14:7

In tatən əfəməh məmə, “Otəgɨn motɨsiai-in Uhgɨn, kən motən nɨpahrienən e rəhan nepətən, məto-inun nian ətuatɨp rəhan tɨnuwa, o nos-ipənən nalpɨnən kəm netəmim. Otəfak kəm in, etəm təmol nego e neai, ne nətueintən, ne nɨtəhəi, ne nəmtɨ nəhau mɨn.”

Nol Əpən 4:8

Nat mɨn əh itəm koatəmegəh, ilat kuwɨt, məto nɨməlməlɨlat ilat sikis, kən nɨganəmtɨlat tɨrəfin əpnapɨn əm ilat, muwɨn əpəh e nəwtain nɨməlməlɨlat ləhau ikɨn ne. Nian rafin ilat kotan napuən lapɨn ne lenian, məsotamegən, koatan məmə: “!Iərəmərə Uhgɨn Nahgin Tepət Pɨk Agɨn in tasim, tasim, tasim pɨk agɨn, itəm in tətatɨg roiu, təmətatɨg lilɨn, otəpanətatɨg lilɨn!”

1 Pita 1:16

Nəkotəkəike motol nəhlan məto-inu Naoa Rəha Uhgɨn tatən məmə, “Nəkotəkəike motasim motətuatɨp məto-inu Io ekasim mətuatɨp.”

Nol Əpən 16:7

Kən ekəto mɨn olta tətagət əfəməh məmə, “!Əwəh! Iərəmərə Uhgɨn Nahgin Tepət Pɨk Agɨn, rəham nəghatən nəmuəh netəmim lan, in tətuatɨp agɨn, kən nɨpahrienən.”

Nol Əpən 19:2

məto-inu nakilən rəhan in tətuatɨp pahrien. Rəhan nəghatən tɨnuəh rəkɨs pətan ionəhan u, itəm təmit əpnapɨn netəmim, kən tɨnətalpɨn nɨta rəhan iolwək mɨn.”

Naoa itəm Pol təməte tuwɨn kəm iəfak mɨn ikɨn Rom 15:9

Kən təmuwa məmə Iaihluə mɨn okotənwiwi Uhgɨn o rəhan nasəkitunən, tahmen e Naoa Rəha Uhgɨn tatən məmə, “Tol nəhlan, oekɨləs-ipər nərgəm e nɨki Iaihluə mɨn, oekan napuən mɨn mənwiwi nərgəm.”

Nol Əpən 6:10

Ilat kotaun əfəməh moatən-ipən kəm Uhgɨn məmə, “Ik nakərəmərə e natɨmnat rafin, ik nakasim, kən ik nɨpahrienən. ?O nəghan ne kən ik onakələhəu nəghatən məmə netəm rəha nətueintən kəmotol tərat, kən mol nalpɨnən kəm ilat o nat itəm kəmotol etɨmat? ?Onagəhən nakalpɨn nɨtai nɨtatɨmat e netəm mɨn əh?”

Nol Əpən 3:7

“Əte naoa kit tuwɨn o nagelo rəha niməfak e taon Filatelfia, mən-ipən məmə, Nəghatən u rəhan, Etəm Tasim, kən in Nɨpahrienən. Kən in tatos ki rəha Tefɨt u aupən. Okəmə in terəh e toa kit, kən okol suah kit təsahtosɨg-inən. Kən okəmə in tahtosɨg e toa kit, kən okol suah kit təserəhən lan. Nəghatən u rəhan itəm in tatən-ipɨnə kəm itəmat məmə,

Nol Əpən 16:5

Kən əmun eməto nagelo itəm tərəmərə e nəhau mɨn təmə, “Ik pɨsɨn əm ik Uhgɨn, nakətuatɨp, ik un itəm nəkətatɨg kən nəmətatɨg, kən tətuatɨp əm məmə onəkol nalpɨnən kəm ilat nəhlan.

Nol Əpən 19:8

Kən Uhgɨn təmos-ipən napən wɨr kəm in, məmə otuwɨn lan. Napən wɨr u linen, tatɨpɨt-ɨpɨt, məruən.” (Napən wɨr u linen, tatəpsen-pən nolən ətuatɨp rəha netəmim rəha Uhgɨn.)