Namnusən Təwɨr Rəha Iesu Kristo Itəm Mak Təməte 15:32 - North Tanna

³² Təwɨr pəs kitat kotehm-tu Mesaea u, kig rəha netəm Isrel, oteiuaiu e nɨg kəməluau pəs kitat koatəplan motahatətə lan.” Kən etəmim mil u katəhaləkul iləhal Iesu kɨnatuən mɨn nəghatən rat lan.

Namnusən Təwɨr Rəha Iesu Kristo Itəm Mak Təməte 15:32 Referans Kwoze

Matiu 27:44

E nolən ahmen mɨn əm, iətgəhl lou mil itəm kəmətu-pər iləhal min in e nɨg kəluau, katuən-ipən nəghatən rat tepət kəm in.

2 Timoti 2:18

itəm kɨnuəmkarəpən rəkɨs e suatɨp rəha nɨpahrienən. Katuən məmə Uhgɨn təmol kitat kotəmegəh mɨn rəkɨs e nɨmɨsən, kən okol Uhgɨn təsos-ipa mɨnən nɨpətɨtat wi mɨn nian Iesu tatuwa mɨn. Kən təs mil u katuərəkɨn nahatətəən rəha netəmim neen.

Matiu 1:17

Təmətuoun e Epraham mətoarus-pən Kig Tefɨt, pipi rat mɨn əm u neen kəməte rəkɨs nərgɨlat, ilat fotin. Kən təmətuoun mɨn e Kig Tefɨt mətoarus-pən noanol mɨn rəha Isrel kəmotuwɨn Papilon, pipi rat mɨn ilat rafin fotin. Kən təmətuoun mɨn e noanol mɨn rəha Isrel kəmotuwɨn Papilon mətoarus-pən Kristo itəm Uhgɨn təmən məmə otahl-ipa, pipi rat mɨn ilat rafin fotin.

Naoa itəm Pol təməte tuwɨn kəm iəfak mɨn ikɨn Rom 3:3

In nɨpahrienən məmə ilat neen kəsotolən nəghatən itəm ilat kəmotən məmə okotol. Məto nolən rəhalat təsolən məmə Uhgɨn otəsolən rəhan nəghatən.

Namnusən Təwɨr Rəha Iesu Kristo Itəm Jon Təməte 12:13

Kən tol nəhlan, ilat kəmotiet e taon u, moatəmɨk nat kit tahmen e nɨmalɨ nəmɨl moatuwɨn mə okotəplan Iesu. Kən moatagət əfəməh moatən məmə, “!Hosana! !Iərəmərə Uhgɨn tətatɨg ilau suah u itəm tatuwa e nərgɨn! !Iərəmərə Uhgɨn tətatɨg ilau Kig u rəha netəm Isrel!”

Namnusən Təwɨr Rəha Iesu Kristo Itəm Jon Təməte 1:49

Kən Nataniel təmə, “!Iəgətun! !Ik Nətɨ Uhgɨn! !Ik Kig rəha noanol mɨn rəha Isrel!”

Namnusən Təwɨr Rəha Iesu Kristo Itəm Mak Təməte 15:26

kən motəte-rəkɨs nɨpəgnəmtɨn u kəmotehm lan məmə, In kig rəha netəm Isrel, kən motəht-ipən nəghatən un e rəhan nɨg kəməluau.

Matiu 27:42

motən məmə, “Təmosmegəh netəmim, məto okol təruru nosmegəh atɨpən in. In kig rəha Isrel. Okəmə tatite atɨp e nɨg kəluau, kən okotən nɨpahrienən lan.

Namnusən Təwɨr Rəha Iesu Kristo Itəm Mak Təməte 15:27

Kən etəmim kəiu itəm kətuəluagɨn o kapman mətioh netəmim, kəmətu-pər ilau e nɨg kəluau, kit e nɨkalɨn matɨp, kit e nɨkalɨn mol.