Namnusən Təwɨr Rəha Iesu Kristo Itəm Mak Təməte 1:38 - North Tanna

³⁸ Məto Iesu təmən-ipən kəm ilat məmə, “Kəpə. Pəs kotuwɨn əpəh e latuənu pɨsɨn mɨn neen, ekamnus-iarəp rəhak nəghatən kəm netəmim mapəkol məto-inu, nat əh in əh emuwa ron məmə ekol.”

Namnusən Təwɨr Rəha Iesu Kristo Itəm Mak Təməte 1:38 Referans Kwoze

Namnusən Təwɨr Rəha Iesu Kristo Itəm Luk Təməte 4:43

Məto in təmən-ipən kəm ilat məmə, “Kəp. Io ekəkəike muwɨn latuənu pɨsɨn mɨn neen, mən-iarəp namnusən təwɨr rəha nərəmərəən rəha Uhgɨn, məto-inu Uhgɨn təmahl-ipa io məmə ekol mihin.”

Namnusən Təwɨr Rəha Iesu Kristo Itəm Jon Təməte 17:8

Ilat kotɨtun natɨmnat mɨn u, məto-inu ik nɨnəmən-ipa rəkɨs nəghatən kəm io, kən io emən-ipən kəm ilat, kən ilat koatos e nɨkilat. Kən ilat motɨtun məmə nɨpahrienən agɨn məmə io emɨsɨ-pɨnə ron ik, kən moatahatətə lak məmə ik nəmahl-ipa io.

Namnusən Təwɨr Rəha Iesu Kristo Itəm Jon Təməte 17:4

Io ematɨləs-ipər nərgəm e nətueintən u, kən enol rafin rəkɨs wək itəm ik nəmos-ipa kəm io məmə iakol.

Namnusən Təwɨr Rəha Iesu Kristo Itəm Jon Təməte 16:28

Io emɨsɨ-pən o Tata Uhgɨn, muwa e nətueintən u. Kənu roiu otəsuwəhən kən ekiet mɨn e nətueintən u, mɨtəlɨg-pən mɨn o Tata Uhgɨn.”

Namnusən Təwɨr Rəha Iesu Kristo Itəm Luk Təməte 2:49

Kən in təmən kəm ilau məmə, “?Natuegəs-in io o naka? ?Nakəsiatunən məmə io ekəkəike mətatɨg e nimə rəha rəhak Tata?”

Namnusən Təwɨr Rəha Iesu Kristo Itəm Jon Təməte 9:4

Nian tatian əh, kitat kotəkəike kol wək rəha Uhgɨn, itəm təmahl-ipa io ekuwa. Nian lapɨn otəpanuwa, kən etəmim in təruru nolən wək.

Namnusən Təwɨr Rəha Iesu Kristo Itəm Mak Təməte 1:37

Nian kəmotəplan, kən kəmotən-ipən kəm in məmə, “Netəmim rafin koteam-in ik.”

Namnusən Təwɨr Rəha Iesu Kristo Itəm Mak Təməte 1:39

Kən muwɨn mapəkol rafin e nɨtən əpəh Kalili, mətamnus-iarəp rəhan nəghatən əpəh e nimə rəha nuəfɨmɨnən mɨn, kən məhg-iarəp narmɨn rat mɨn e netəmim.