Namnusən Təwɨr Rəha Iesu Kristo Itəm Luk Təməte 23:24 - North Tanna

²⁴ Kən Pailat təmakil Iesu məmə otəkəike mɨmɨs tahmen-pən məmə inəh ilat kəmotən mihin ne.

Namnusən Təwɨr Rəha Iesu Kristo Itəm Luk Təməte 23:24 Referans Kwoze

Matiu 27:26

Kən Pailat təmahl-iarəp megəhan-in-pən Parapas kəm ilat. Məto təmən məmə okalis Iesu, kən təmegəhan-in-pən in məmə okətu-pər e nɨg kəluau məmə otɨmɨs.

Namnusən Təwɨr Rəha Iesu Kristo Itəm Mak Təməte 15:15

Kən Pailat təmolkeike məmə otol nɨkilat, kən mahl-iarəp Parapas, kən məhlman-pən Iesu e nelmɨ rəhan mopael mɨn məmə okotalis motətu-pər e nɨg kəməluau.

Namnusən Təwɨr Rəha Iesu Kristo Itəm Jon Təməte 19:1

Kən Pailat təmos-ipən Iesu e nelmɨ rəhan mopael mɨn, kən ilat kəmotalis-alis.

Namnusən Təwɨr Rəha Iesu Kristo Itəm Luk Təməte 23:23

Məto ilat koatəkəike motəghat əskasɨk, kən motagət əfəməh e Pailat məmə otətu-pər Iesu e nɨg kəluau. Kən motagət pɨk moatuwɨn moatuwɨn, kɨnol win e nətəlɨgən rəha Pailat.

Namnusən Təwɨr Rəha Iesu Kristo Itəm Luk Təməte 23:25

Kən in təmol nətəlɨgən rəhalat, kən təmahl-iarəp Parapas u aupən in təmətatɨg e kalapus o nəluagɨnən o kapman ne nohamnuən itəm. Məto təmegəhan-in Iesu tuwɨn e nelmɨ rəhan mopael mɨn məmə ilat okotos motuwɨn kɨtəp nətəlɨgən rəha nɨmanin netəmim.