Namnusən Təwɨr Rəha Iesu Kristo Itəm Luk Təməte 23:20 - North Tanna

²⁰ Məto Pailat in tolkeike məmə otahl-iarəp Iesu tatuwɨn, kən in təməghat mɨn kəm ilat.

Namnusən Təwɨr Rəha Iesu Kristo Itəm Luk Təməte 23:20 Referans Kwoze

Namnusən Təwɨr Rəha Iesu Kristo Itəm Mak Təməte 15:15

Kən Pailat təmolkeike məmə otol nɨkilat, kən mahl-iarəp Parapas, kən məhlman-pən Iesu e nelmɨ rəhan mopael mɨn məmə okotalis motətu-pər e nɨg kəməluau.

Namnusən Təwɨr Rəha Iesu Kristo Itəm Jon Təməte 19:12

Kən tətuoun e nian əh, Pailat təmolkeike məmə otɨkɨs Iesu. Məto netəm-iasol mɨn rəha netəm Isrel koatagət əfəməh moatən məmə, “Okəmə nakɨkɨs suah u mahl-iarəp, kən ik sənəmə etəmim rəha Sisa. Etəmim u itəm tatən məmə in kig, in tɨkɨmɨr rəha Sisa.”

Matiu 27:19

Nian Pailat tatəpələh e jea rəha nakilən nəghatən, rəhan pətan tahl-ipən nəghatən kəm in məmə, “Suah un təsolən nat tərat kit. Əsolən nat kit lan, məto-inu emapɨlaiir lan, kən roiu iatəto tərat agɨn ron.”

Namnusən Təwɨr Rəha Iesu Kristo Itəm Luk Təməte 23:19

(Suah u Parapas, kəmɨləs-ipən e kalapus məto-inu in təmol netəmim kotəluagɨn o kapman e taon əh, kən in iohamnu itəm.)

Namnusən Təwɨr Rəha Iesu Kristo Itəm Luk Təməte 23:21

Məto ilat kəmotagət əfəməh pɨk məmə, “!Ətu-pər in e nɨg kəluau! !Ətu-pər in e nɨg kəluau!”