Namnusən Təwɨr Rəha Iesu Kristo Itəm Luk Təməte 12:10 - North Tanna

¹⁰ Kən etəmim itəm tatən nəghatən rat e Nətɨ Etəmim, Uhgɨn otafəl rəkɨs rəhan təfagə rat. Məto etəmim itəm tatəghat rat e Narmɨn Rəha Uhgɨn, okol Uhgɨn təsafəl rəkɨsən rəhan təfagə tərat.

Namnusən Təwɨr Rəha Iesu Kristo Itəm Luk Təməte 12:10 Referans Kwoze

1 Jon 5:16

Okəmə kotehm piatat kit tatol nolən rat, məto sənəmə nolən rat itəm tɨtun nit-ipənən e nɨmɨsən, ik onakəfak ron, kən Uhgɨn otos-ipən nəmegəhən kəm suah u. Məto nolən rat kit əh-ikɨn itəm tatit-ipən itəm e nɨmɨsən, kən io esənən məmə onəkotəfak o netəm mɨn itəm koatol nolən əh.

1 Timoti 1:13

Aupən ematəghat rat e nərgɨn, kən ematoh nəfak matol tərat kəm Iesu. Nat əpnapɨn io ematol pap min-nulan məto in təmasəkitun io məto-inu io eməsənən əh nɨpahrienən lan, kən eməruru məmə nat naka itəm io ematol in tərat.

Namnusən Təwɨr Rəha Iesu Kristo Itəm Luk Təməte 23:34

Kən Iesu təmə, “Tata. Aluin rəhalat nolən rat mɨn itəm koatol kəm io, kən məsalpɨnən, məto-inu kəsotɨtunən nat naka itəm koatol.” Kən kəmotoor rəhan natɨmnat moaturin taes ron.