Namnusən Təwɨr Rəha Iesu Kristo Itəm Jon Təməte 18:32 - North Tanna

³² Iesu təmatən aupən məmə in otɨmɨs nəhlan, kən natɨmnat mɨn u kəmol məmə nəghatən mɨn u rəhan okotuwa motol nɨpahrienən.

Namnusən Təwɨr Rəha Iesu Kristo Itəm Jon Təməte 18:32 Referans Kwoze

Namnusən Təwɨr Rəha Iesu Kristo Itəm Jon Təməte 3:14

“Aupən, əpəh ikɨn taruən-aruən ikɨn, Moses təmɨləs narmɨ sɨnek kit, mətu-pər ilɨs e nɨg əfəməh kit, kən mɨləs-ipər. Kən e nolən kitiəh əm, okəike kɨləs-ipər mihin Nətɨ Etəmim,

Matiu 26:2

“Nəkotɨtun məmə lafet rəha Nuhagego-inən otuwa, nian kəiu əm əh-ikɨn. Kən io, Nətɨ Etəmim, okegəhan-in-pən io məmə okətu-pər e nɨg kəməluau.”

Matiu 20:19

kən motɨləs-ipən io kəm Iaihluə mɨn məmə okotəsan lak, kən motalis motoh, kən motətu-pər io e nɨg kəməluau məmə ekɨmɨs. Kən uarisɨg e nian kɨsɨl, kən Uhgɨn otosmegəh mɨn io e nɨmɨsən.”

Namnusən Təwɨr Rəha Iesu Kristo Itəm Jon Təməte 8:28

Tol nəhlan, in tən-ipən kəm ilat məmə, “Nian nəmotɨləs-ipər rəkɨs Netɨ Etəmim un, nəpanotɨtun məmə Io u inu. Kən onəpanotɨtun mɨn məmə esol atɨpən nat kit e rəhak əm nətəlɨgən. Iatən əm natɨmnat itəm Tata Uhgɨn təməgətun io lan.

Namnusən Təwɨr Rəha Iesu Kristo Itəm Mak Təməte 10:33

məmə, “Otətəlɨg-in wɨr-tu io. Roiu kɨnoatər mɨnoatuwɨn əpəh Jerusalem, kən okegəhan-in-pən io Neti Etəmim e nelmɨ pris asol mɨn ne iəgətun mɨn rəha Lou. Kən okotən məmə oekɨmɨs, kən okotəhlman-pən io e nelmɨ Iaihluə mɨn.

Kalesia 3:13

Netəmim rafin agɨn kəsotol ətuatɨpən nat naka itəm Lou tatən. Tol nəhlan, Lou in təmələhəu nalpɨnən tətatɨg o kitat rafin, kən kitat rafin kotatɨg e nəlmɨ nəratən. Məto Iesu Kristo təmɨmɨs e nɨg kəməluau, kən miuw rəkɨs kitat e nəlmɨ nəratən əh. Iesu in təmos nalpɨnən otat tahmen-pən əm e Naoa Rəha Uhgɨn tatən məmə: “Etəmim kit, itəm kəmohamnu kətu-pər e nɨg, nolən əh tatəgətun-pən məmə Uhgɨn in təmol nalpɨnən kəm in.”

Wək Mɨn 7:59

Nian kəmotaht Stipen e kəpiel apɨn, in təməfak məmə, “Iərəmərə Iesu, os narmək.”

Namnusən Təwɨr Rəha Iesu Kristo Itəm Jon Təməte 10:33

Kən ilat kotəmə, “Itɨmat esotənən məmə ekotaht ik e kəpiel apɨn o nat pɨspɨs wɨr mɨn u ik natol. Itɨmat ekotəmə ekotaht ik məto-inu nakatən rat Uhgɨn. Ik etəmim əm, məto ik nakatən məmə ik Uhgɨn.”

Namnusən Təwɨr Rəha Iesu Kristo Itəm Jon Təməte 10:31

Kən netəm Isrel kəmotəmɨk mɨn kəpiel apɨn, məmə okotaht in lan.

Namnusən Təwɨr Rəha Iesu Kristo Itəm Jon Təməte 13:18

“Io esənən itəmat rafin. Io ekɨtun wɨr itəmat mɨn un itəm io emɨtəpun itəmat. Məto nəghatən u rəha Naoa Rəha Uhgɨn, otəkəike muwa mol nɨpahrienən lan. Nəghatən u tatən məmə, ‘Etəmim u, aupən itɨmlau ematuagwən kələh e plet kitiəh, məto roiu, in tɨnəuhlin rəhan nətəlɨgən, mɨnatol noa kəm io.’

Namnusən Təwɨr Rəha Iesu Kristo Itəm Jon Təməte 18:31

Kən Pailat tən-ipən kəm ilat məmə, “Təwɨr məmə itəmat onəkotɨləs in motuwɨn, kən itəmat motakil, tətəu-pən lou mɨn rəhatəmat.” Məto ilat kotən-ipən kəm in məmə, “Məto netəm Rom əm ilat kotegəhan-in məmə kɨtun nohamnuən etəmim.”

Namnusən Təwɨr Rəha Iesu Kristo Itəm Jon Təməte 21:19

E nəghatən u, Iesu təmaupən matən-iarəp rəkɨs əm, nolən itəm Pita otɨmɨs, kən rəhan nɨmɨsən, in otɨləs-ipər nərgɨ Uhgɨn. Kən Iesu tən-ipən kəm in məmə, “Itəla, uarisɨg-in io.”