Namnusən Təwɨr Rəha Iesu Kristo Itəm Jon Təməte 12:13 - North Tanna

¹³ Kən tol nəhlan, ilat kəmotiet e taon u, moatəmɨk nat kit tahmen e nɨmalɨ nəmɨl moatuwɨn mə okotəplan Iesu. Kən moatagət əfəməh moatən məmə, “!Hosana! !Iərəmərə Uhgɨn tətatɨg ilau suah u itəm tatuwa e nərgɨn! !Iərəmərə Uhgɨn tətatɨg ilau Kig u rəha netəm Isrel!”

Namnusən Təwɨr Rəha Iesu Kristo Itəm Jon Təməte 12:13 Referans Kwoze

Nol Əpən 15:3

kən koatoh, motan napuən rəha Nətɨ Sipsip ne Moses u, iolwək rəha Uhgɨn, koatan məmə, “Iərəmərə Uhgɨn Nahgim Tepət Pɨk Agɨn Rəham nolən asol mɨn kotatuha-pɨspɨs etɨmat. !Kig lilɨn, nolən mɨn rəham kotətuatɨp pahrien!

Nol Əpən 7:9

Uarisɨg e natɨmnat mɨn u, emətag-pən əpəh aupən-in io, məplan nɨmanin netəmim tepət tepət, okol kəruru nafinən. Ilat koatɨsɨ-pən e kantri mɨn rafin, ne noanol mɨn rafin, ne nəghatən mɨn rafin, kən nuwigɨlat tol pɨsɨn pɨsɨn mɨn. Ilat koatətul aupən e jea rəha kig, ne Nətɨ Sipsip. Ilat koatuwɨn e napən ruən mɨn, kən moatos nelmɨ nəmɨl e nelmɨlat.

Namnusən Təwɨr Rəha Iesu Kristo Itəm Jon Təməte 1:49

Kən Nataniel təmə, “!Iəgətun! !Ik Nətɨ Uhgɨn! !Ik Kig rəha noanol mɨn rəha Isrel!”

Matiu 23:39

Kən ekən kəm itəmat məmə, nat əh in nɨpahrienən məto-inu onəsotəplan mɨnən io mətoarus nakotən məmə, ‘!Iərəmərə Uhgɨn tətatɨg ilau suah u itəm tatuwa e nərgɨn!’”

Namnusən Təwɨr Rəha Iesu Kristo Itəm Jon Təməte 19:15

Məto ilat kəmotagət əfəməh, motən məmə, “!Ohamnu! !Ohamnu! !Əht-ipən e nɨg kəməluau!” Kən Pailat təmən-ipən kəm ilat məmə, “?Itəmat nakotolkeike mə io ekəht-ipən kig rəhatəmat e nɨg kəməluau?” Məto pris asol mɨn kotəmə, “!Sisa əm un, in rəhatɨmat kig!”

Nol Əpən 19:16

Kəməte-pən nərgɨn e rəhan napən, ne nuwaan, məmə, Kig Rəha Kig Mɨn Ne Iərəmərə Rəha Iərəmərə Mɨn

Namnusən Təwɨr Rəha Iesu Kristo Itəm Jon Təməte 12:15

“Netəm Saeon, itəmat sotəgɨnən. !Otəplan-tu! !Kig rəhatəmat tatuwa, in tɨtasuə e nətɨ togki maliwək matuwa!”

Matiu 27:42

motən məmə, “Təmosmegəh netəmim, məto okol təruru nosmegəh atɨpən in. In kig rəha Isrel. Okəmə tatite atɨp e nɨg kəluau, kən okotən nɨpahrienən lan.

Namnusən Təwɨr Rəha Iesu Kristo Itəm Jon Təməte 12:14

Kən Iesu təməplan nətɨ togki kit, kən tasuə lan maliwək matuwɨn. Natɨmnat mɨn u, Naoa Rəha Uhgɨn tɨnəmən rəkɨs məmə,