Namnusən Təwɨr Rəha Iesu Kristo Itəm Jon Təməte 10:33 - North Tanna

³³ Kən ilat kotəmə, “Itɨmat esotənən məmə ekotaht ik e kəpiel apɨn o nat pɨspɨs wɨr mɨn u ik natol. Itɨmat ekotəmə ekotaht ik məto-inu nakatən rat Uhgɨn. Ik etəmim əm, məto ik nakatən məmə ik Uhgɨn.”

Namnusən Təwɨr Rəha Iesu Kristo Itəm Jon Təməte 10:33 Referans Kwoze

Namnusən Təwɨr Rəha Iesu Kristo Itəm Jon Təməte 5:18

Kən nəghatən u, tol nətəlɨgən rəhalat təskasɨk təhmɨn mɨn, məmə okotohamnu in tɨmɨs. Məto-inu roiu əh, sənəmə məmə tatətgəhl əm Lou rəha Sapat, məto nat in iahgin pɨk, in tatən məmə rəhan u Tata ətuatɨp Uhgɨn, kən tol nulan, in matol məmə in tahmen ətuatɨp e Uhgɨn.

Namnusən Təwɨr Rəha Iesu Kristo Itəm Jon Təməte 10:30

Itɨmlau rəhak Tata, itɨmlau kitiəh əm.”

Filipae 2:6

Kristo in tahmen əm e Uhgɨn məto in təməsalkutən məmə in otaskəlɨm nepətən rəha Uhgɨn,

Naoa itəm Pol təməte tuwɨn kəm iəfak mɨn ikɨn Rom 13:1

Pəs kitat rafin okotəkəike katɨg ahgin kapman, məto-inu nepətən o nərəmərəən rafin tatɨsɨ-pən e Uhgɨn, kən kapman rafin itəm kotatɨg, Uhgɨn pɨsɨn əm tatɨləs-ipər.

Namnusən Təwɨr Rəha Iesu Kristo Itəm Jon Təməte 10:24

Kən netəm Isrel neen kəmotuwa motətul, motɨtəlau in. Kəmotən-ipən kəm in məmə, “?Onəghan kən ik nəpanol itɨmat ekotɨtun ik? Okəmə ik Kristo pahrien itəm Uhgɨn təmən məmə otahl-ipa, nakən-ipa wɨr kəm itɨmat.”

Namnusən Təwɨr Rəha Iesu Kristo Itəm Jon Təməte 10:32

Məto Iesu tən-ipən kəm ilat məmə, “Io enamol rəkɨs nəmtətin wɨr mɨn tepət e nɨganəmtɨtəmat. Nəmtətin mɨn əh ilat əh, rəhak Tata təmos-ipa məmə io ekol. ?Məto nəmtətin ahrol un itəmat nakotəmə onəkotaht io ron e kəpiel apɨn?”

Namnusən Təwɨr Rəha Iesu Kristo Itəm Jon Təməte 19:7

Məto ilat kotəmə, “Rəhatɨmat kit əh-ikɨn lou tatən məmə in otəkəike mɨmɨs, məto-inu in tatən məmə in Nətɨ Uhgɨn.”