Namnusən Təwɨr Rəha Iesu Kristo Itəm Jon Təməte 1:4 - North Tanna

⁴ Inu, in Nəukətɨ Nəmegəhən, kən Nəmegəhən u, in Nəhag-əhagən rəha netəmim rafin.

Namnusən Təwɨr Rəha Iesu Kristo Itəm Jon Təməte 1:4 Referans Kwoze

Namnusən Təwɨr Rəha Iesu Kristo Itəm Jon Təməte 8:12

Kən Iesu təmatəghat mɨn kəm ilat, matən məmə, “Io u, io Nəhag-əhagən rəha netəmim u e nətueintən. Etəmim itəm tatətəu-pa io, okol in təsaliwəkən e napinəpən nian kit ne, məto in otos nəhag-əhagən e nəmegəhən rəhan.”

Namnusən Təwɨr Rəha Iesu Kristo Itəm Jon Təməte 12:46

Io u nəhag-əhagən. Emuwa e nətueintən u, məmə etəmim itəm otahatətə lak, otəsatɨgən e napinəpən.

Namnusən Təwɨr Rəha Iesu Kristo Itəm Jon Təməte 5:26

Tata Uhgɨn in Nəukətɨ Nəmegəhən, kən e nolən kitiəh əm, in təmol mə Nətɨn in mɨn Nəukətɨ Nəmegəhən,

Namnusən Təwɨr Rəha Iesu Kristo Itəm Jon Təməte 9:5

Nian io etatɨg əh e nətueintən u, io Nəhag-əhagən rəha netəmim e nətueintən.”

Namnusən Təwɨr Rəha Iesu Kristo Itəm Jon Təməte 11:25

Kən Iesu tən-ipən kəm in məmə, “Io u, io Nəukətɨ Naiir-pa Mɨnən e Nɨmɨsən, kən io mɨn, io Nəukətɨ Nəmegəhən. Etəmim itəm in otahatətə lak, nat əpnapɨn məmə in təmɨmɨs, məto in otəmegəh mɨn.

1 Jon 5:11

Kənu nəghatən itəm Uhgɨn təmən-iarəp o Nətɨn, in tol nulan. Uhgɨn təmos-ipən nəmegəhən lilɨn kəm itat, kənu nəmegəhən u, katos o Nətɨn.

Namnusən Təwɨr Rəha Iesu Kristo Itəm Jon Təməte 14:6

Kən Iesu tən-ipən kəm in məmə, “Io u, suatɨp ron. Kən io un, nəukətɨ nɨpahrienən, kənu io un, nəukətɨ nəmegəhən. Etəmim kit okol təsuwamən o rəhak Tata okəmə io ekəsosən in muwɨn.

Namnusən Təwɨr Rəha Iesu Kristo Itəm Jon Təməte 12:35

Kən Iesu təmən-ipən kəm ilat məmə, “Nəhag-əhagən u, tətatɨg otəmat o nian təkəku əm. Kən nian nəhag-əhagən u tətatɨg otəmat, itəmat nəkotəkəike motaliwək lan. Okəmə kəpə, kən napinəpən otɨrəfin itəmat. Kən etəmim itəm tətaliwək e napinəpən, in təruru ikɨn in tatuwɨn ikɨn.

Efesas 5:14

Tol nəhlan məto-inu nian nəhag-əhagən tatol əp nat kit, kən in mɨn tatuwa nəhag-əhagən. O nat u inu katən məmə, “Itəmat u noatapɨl, otaiir-ta, otəmegəh e nɨmɨsən, pəs Kristo otasiəgəpɨn itəmat.”

Matiu 4:16

Netəm ikɨn kəmotatɨg e napinəpən, məto kəmotəplan nəhag-əhagən asol kit. Kən tɨnatian, kən nəhag-əhagən asol təmasiəgəpɨn ilat itəm kəmotatɨg e napinəpən rəha nɨmɨsən u tatəfətain ilat nian rafin.”

Kolosi 3:4

Nəmegəhən pahrien rəhatəmat in e Kristo əm. Kən nian Kristo otɨtəlɨg-pa mɨn, kən Uhgɨn otəgətun Kristo kitat min kəm netəmim rafin, kən ilat okotəplan nəwɨrən ne nəsanənən rəhan.

Wək Mɨn 26:23

Kəmotən məmə Kristo əh itəm Uhgɨn təmən məmə otahl-ipa, in otəto nahməən e nɨpətɨn kən panɨmɨs. Kən meto inu in otətuoun məmegəh mɨn e nɨmɨsən, kən otəgətun nəhag-əhagən kəm netəm Isrel ne Iaihluə mɨn, məmə nəhag-əhagən u in suatɨp itəm Uhgɨn otosmegəh ilat.”

Namnusən Təwɨr Rəha Iesu Kristo Itəm Luk Təməte 2:32

In otuwa nəhag-əhagən, kən otəgətun rəham suatɨp kəm Iaihluə mɨn, kən netəmim okotɨləs-ipər rəham mɨn netəm Isrel o Iosmegəh əh.”

1 Jon 1:2

Nəmegəhən əh təmiet-arəpa; emotehm kən moatətul-arəp o nən-iarəpən, kən moatən-ipɨnə kəm itəmat məmə in nəmegəhən lilɨn, in təmətatɨg ilau Tata Uhgɨn kən təmiet-arəpa otɨmat.

Namnusən Təwɨr Rəha Iesu Kristo Itəm Jon Təməte 5:21

“Məto-inu Tata Uhgɨn tatol netəm kəmotɨmɨs ilat koatəmegəh mɨn, kən e nolən kitiəh əm, Nətɨn tɨtun nos-ipənən nəmegəhən kəm netəmim itəm nɨkin tagien məmə otos-ipən kəm ilat.

Nol Əpən 22:16

“Io Iesu, emahl-ipɨnə rəhak nagelo məmə otən-iarəpɨnə natɨmnat mɨn u kəm niməfak mɨn. Io u, Nəukətɨ Tefɨt, məto Noanol mɨn rəhan. Io ekahmen e məhau u fetukai itəm tətasiə wɨr.”

1 Korin 15:45

Naoa Rəha Uhgɨn tatən məmə, “Etəm tətaupən agɨn-əh, Atam, təmuwa mos namegən.” Kən namnu Atam, inu Kristo, təmuwa narmɨn u tatos-ipa nəmegəhən.

Nol Əpən 22:1

Kən nian nagelo təməgətun rəkɨs taon wi kəm io, kən təməgətun mɨn nəhau megəh kəm io itəm tətaiu. In talien talien tahmen e kɨlas. Tatɨsɨ-pən əpəh e jea rəha Uhgɨn ne Nətɨ Sipsip,

Namnusən Təwɨr Rəha Iesu Kristo Itəm Jon Təməte 3:19

Uhgɨn tətakil netəmim e nolən u məmə, Nəhag-əhagən tɨnuwa rəkɨs e nətueintən, məto netəmim kəsotolkeikeən Nəhag-əhagən. Ilat kəmoatolkeike Napinəpən ilə, məto-inu nian rafin rəhalat nolən, təsətuatɨpən.

1 Jon 1:1

Nəghatən rəha nəmegəhən təmaupən matɨg e nətuounən nian, inun, itɨmat emotəto kən motəplan e nɨganəmtɨtɨmat ətuatɨp. Emotehm, kən motek e nelmɨtɨmat ətuatɨp. In un, in nəghatən rəha nəmegəhən itəm ekoatəghat-in, moatən-iarəp.