Hiprus 11:10 - North Tanna

¹⁰ Epraham təmol nulan, məto-inu in tatəsahgin məmə otuwɨn e taon kit itəm nəukətɨn tiəkɨs, otətatɨg tuwəh. Taon u, Uhgɨn əm təmol mak lan, kən mɨnol rəkɨs tətatɨg.

Hiprus 11:10 Referans Kwoze

Hiprus 13:14

E nətueintən u, rəhatat kit taon ətuatɨp imətat ikɨn tɨkə, itəm otətatɨg lilɨn. Məto kitat koategəs-in rəhatat taon ətuatɨp itəm kotɨtun məmə otəpanuwa.

Filipae 3:20

Məto kitat netəm rəha nego e neai, koatəsahgin Iosmegəh itəm otɨsɨ-pən e nego e neai, u Iərəmərə Iesu Kristo.

Hiprus 12:22

Itəmat nəmotuwa e nɨtot u Saeon, ne taon asol u ima Uhgɨn ikɨn itəm tatəmegəh, tətatɨg tətatɨg. Inun Jerusalem wi əpəh ilɨs e nego e neai, u nagelo mɨn taosan taosan kəmuəfɨmɨn ilat ikɨn o nagienən asol.

2 Korin 5:1

Tol nəhlan, kotɨtun məmə nɨpətɨtat in tahmen e nimə tapolən itəm kitat kotatɨg lan ikɨn-u e nətueintən, kən nian kit otəmnəmɨt mərat. Kən nian nimə tapolən əh tɨkə e nətueintən, məto əpəh e nego e neai, rəhatat nimə wi əh-ikɨn itəm sənəmə etəmim təmol, məto Uhgɨn əm təmol, nɨpətɨtat wi itəm otatɨg lilɨn.

Hiprus 3:4

Kən nimə mɨn rafin, netəmim koatiləkɨn, məto Uhgɨn in təmiləkɨn natɨmnat rafin itəm tətatɨg.

Namnusən Təwɨr Rəha Iesu Kristo Itəm Jon Təməte 14:2

E nimə rəha Tata rəhak, noan tepət əh-ikɨn. Nəghatən u in nɨpahrienən. Okəmə təsol mihinən, okol enən-ipɨnə rəkɨs kəm itəmat. Roiu əh, io ekatuwɨn, ekol əpen-əpenə rəhatəmat.

Nol Əpən 21:2

Kən əmun ekəplan taon asim rəha Uhgɨn, inun Jerusalem wi, tatɨsɨ-pər o Uhgɨn e nego e neai mateiuaiu-pa. Kəmol malə-malə lan tahmen e pətan itəm kəmol malə-malə kəm in məmə otuwɨn mehm rəhan iərman mioal marɨt.

Hiprus 12:28

O nat u, təwɨr məmə kitat kotən tagkiu o Uhgɨn, məto-inu kitat koatos nego rəha Uhgɨn u, kəruru nəloal-əloalən lan, kən okol təsietən nian kit. Təwɨr məmə kitat kotəfak kəm in, e nolən itəm nɨkin tagien lan, məmə kitat okotɨsiai-in, kən motəgin mɨn,

Hiprus 11:16

Ilat kotolkeike iməlat ik pɨsɨn kit itəm təwɨr maprəkɨs, inun e nego e neai. Kən o nat u, in təsaulɨs-inən məmə okən məmə in rəhalat Uhgɨn. Kən Uhgɨn təmol əpen-əpenə rəkɨs e taon kit ikɨn əh.