2 Tesalonaeka 1:6 - North Tanna

⁶ Tol nəhlan məto-inu nolən rəha Uhgɨn in tətuatɨp, kən in otol nalpɨnən kəm ilat u koatol nəratən kəm itəmat,

2 Tesalonaeka 1:6 Referans Kwoze

Kolosi 3:25

Məto etəmim itəm tatol nolən tərat, in otos ətuatɨp mɨn noan nətouən rəhan o nolən tərat, məto-inu Uhgɨn, in tatol tahmen-ahmen əm kəm netəmim rafin.

Nol Əpən 6:10

Ilat kotaun əfəməh moatən-ipən kəm Uhgɨn məmə, “Ik nakərəmərə e natɨmnat rafin, ik nakasim, kən ik nɨpahrienən. ?O nəghan ne kən ik onakələhəu nəghatən məmə netəm rəha nətueintən kəmotol tərat, kən mol nalpɨnən kəm ilat o nat itəm kəmotol etɨmat? ?Onagəhən nakalpɨn nɨtai nɨtatɨmat e netəm mɨn əh?”

Nol Əpən 19:2

məto-inu nakilən rəhan in tətuatɨp pahrien. Rəhan nəghatən tɨnuəh rəkɨs pətan ionəhan u, itəm təmit əpnapɨn netəmim, kən tɨnətalpɨn nɨta rəhan iolwək mɨn.”

Nol Əpən 18:20

“!Məto itəmat e nego e neai, itəmat netəmim rəha Uhgɨn, ne aposol mɨn ne ien mɨn, itəmat nɨkitəmat təike magien, məto-inu Uhgɨn təmətu rəkɨs neim otəmat mələhəu-pən o pətan u!”

Nol Əpən 15:4

?Pah otəsaginən ik, Iərəmərə? ?Kən pah otəsos-ipənən nənwiwiən o nərgəm? Məto-inu ik pɨsɨn əm nakasim. Netəmim e kantri mɨn rafin okotuwa kən motəfak e nɨganəmtɨm, məto-inun nəmol-arəpa rəham nolən ətuatɨp mɨn.”

Nol Əpən 11:18

“Kantri mɨn, kotautu pɨk, məto ik rəham neməha asol tɨnuwa. Nian tɨnuwa o nakilən netəm kəmotɨmɨs. Kən onakətou ien mɨn u ilat rəham iolwək mɨn, kən mətou mɨn netəmim rəham, ne netəm koatɨsiai-in ik, ilat rafin, nat əpnapɨn okəmə ilat koatos nepətən asol o nepətən əkəku. Kən nian u rəham, o nərəkɨnən netəm itəm koatərəkɨn netəmim e nətueintən.”

Nol Əpən 18:24

“Taon asol u Papilon in təmos nalpɨnən məto-inun kəmatiu nɨta ien mɨn ne netəmim mɨn rəha Uhgɨn ikɨn mɨn rafin e nətueintən. Nɨpahrienən, nɨta netəmim rafin itəm kəmohamnu ilat, in tətatɨg e taon asol u.”

Hiprus 6:10

Uhgɨn okol təsaluinən rəhatəmat wək mɨn nəmoatol məto-inu Uhgɨn rəhan nolən tətuatɨp əm nian rafin. Kən okol in təsolən nat əpnapɨn e nolən wɨr rəha nolkeikeən itəm nəmotol kəm in, kən moatol əh, nian nəmotasitu e rəhan netəmim.