1 Pita 2:7 - North Tanna

⁷ Kəpiel u in nat keike kəm itəmat itəm nakoatahatətə lan. Məto kəm netəmim itəm kəsotahatətəən lan, kəpiel u in tahmen-pən e nəghatən u e Naoa Rəha Uhgɨn itəm tatən məmə, “Kəpiel u itəm netəm rəha niləkɨnən nimə kəmotərakin, məto Uhgɨn təmol tuwa kəpiel itəm in rəha nətuounən nimə,”

1 Pita 2:7 Referans Kwoze

Matiu 21:42

Kən Iesu təmən-ipən kəm ilat məmə, “?Nəmotafin Naoa Rəha Uhgɨn u, o kəp? Tatən məmə, ‘Kəpiel u itəm netəm rəha niləkɨnən nimə kəsotolkeikeən motapəs, in tɨnuwa kəpiel keike o nolən nimə. Iərəmərə təmol nat u, kən in nat təwɨr agɨn e nɨganəmtɨtat.’

1 Pita 2:8

kən Naoa Rəha Uhgɨn tatən məmə, “Kəpiel u tatol netəmim koatɨləs pɨkən, kən in kəpiel itəm tatol məmə netəmim kotiet katorin.” Ilat koatɨləs pɨkən kəpiel u məto-inu koatəht nəwia nəghatən, kən inu nalpəkauən itəm Uhgɨn təmol olat.

1 Pita 1:8

Nat əpnapɨn nəməsotəplan papən Iesu Kristo, məto nakoatolkeike. Kən nat əpnapɨn nəsotehmən u-roiu, məto nakotahatətə lan. Kən nɨkitəmat təmər mərioah e nagienən itəm in təwɨr agɨn-əh taprəkɨs, kən okol suah kit təsənən nəwɨrən rəha nagienən əh.

Hiprus 11:31

Rehap u, pətan e suatɨp, təmahatətə əskasɨk e Uhgɨn. Kən tol nəhlan, nɨkin təmagien məmə otos suah mil un noanol rəha Isrel mil, itəm kəmueia anion məmə okuəplan kən miatun wɨr natɨmnat ikɨn. Ilau kəmuea e rəhan nimə. Kən o nat u, noanol mɨn rəha Isrel ilat kəməsotohamnuən pətan u nian ilat kəmotohamnu netəm ikɨn əh itəm kəmotəht nəwia Uhgɨn.

Hiprus 4:11

O nat u, kitat okotalkut əskasɨk məmə okotuwɨn imə motos namegən u. Təsəwɨrən məmə kitat kit, otətəu-pən nolən rəha netəm aupən itəm kəmotəht nəwia Uhgɨn, moatəme.

Taetas 3:3

Koatol min-nulan məto aupən kitat kotərat kəmotahmen əm elat. Kən Uhgɨn təmasitu etat nian kitat mɨn kəmoatol nolən rat mɨn əh, kitat ialməl mɨn. Kəməsotolən nəwia Uhgɨn. Nos-ipən-os-ipənən rəha nəratən təmərəkɨn kitat. Kən nolən rat mɨn rəhatat itəm kitat kəmoatolkeike, kəmoatərəmərə etat. Kitat kəmoatol əm nəwialat, kən kəmoatol nolən rat rafin. Kən kəmoatolkeike natɨmnat mɨn rəha netəm pɨsɨn. Nolən rat rəhatat təmol məmə netəmim kotetəhau kitat, kən kitat kəmoatetəhau kitat mɨn.

Kolosi 2:10

Kən nian nəmotahatətə e Kristo, kən Uhgɨn in təmos-ipən natɨmnat rafin rəha nəwɨrən kəm itəmat. Kən Kristo tatərəmərə e netəmim ne natɨmnat rafin itəm koatərəmərə e nətueintən ne neai.

2 Korin 2:16

Itɨmat nəmiəwɨn rəha nɨmɨsən kəm neen itəm tatəgətun ilat məmə okotɨmɨs. Kən itɨmat nəmiəwɨn rəha nəmegəhən kəm neen, itəm tatəgətun ilat məmə Uhgɨn otosmegəh ilat. ?Kən pah u tɨtun nolən wək asol əh?

Naoa itəm Pol təməte tuwɨn kəm iəfak mɨn ikɨn Rom 15:31

Otəfak məmə Uhgɨn otasitu lak mahtosɨg-in netəm Jutia itəm kəsotənən nɨpahrienən e namnusən təwɨr məmə, okəsotərəkɨnən io. Kən otəfak mɨn məmə nian ekuwɨn miet-pən Jerusalem, netəm mɨn u koatahatətə e Kristo, nɨkilat otagien o rəhak wək.

Naoa itəm Pol təməte tuwɨn kəm iəfak mɨn ikɨn Rom 10:21

Məto Aesea təmən nəghatən rəha Uhgɨn e netəm Isrel məmə, “E nian rafin, nian rafin, eməg-əfəməh-in nelmək məmə ekasitu etəmat, itəmat itəm nakoatəht nəwiak moatəuhlin məntaatəmat ron io.”

Wək Mɨn 26:19

Kən Pol təməkəike matən məmə, “Kig, io iatol natɨmnat itəm Uhgɨn təmən kəm io e nat kit tahmen e napɨlaiirən.

Namnusən Təwɨr Rəha Iesu Kristo Itəm Jon Təməte 4:42

Kən moatən-ipən kəm pətan u məmə, “Itɨmat emotahatətə lan o nəghatən u itəm ik nəmən-ipa, məto roiu əh, ekoatahatətə lan məto-inu itɨmat əm emotəto rəhan nəghatən mɨn, kən motɨtun pahrien məmə in Iosmegəh rəha nətueintən.”

Namnusən Təwɨr Rəha Iesu Kristo Itəm Luk Təməte 20:17

Məto Iesu təmasɨpən ətuatɨp əm olat, kən mən məmə, “Naoa Rəha Uhgɨn tatən məmə, ‘Kəpiel əh itəm netəm rəha niləkɨnən nimə kəmotərakin, in təmuwa kəpiel keike rəha nolən nimə.’ “?Məto nəghatən u nɨpətɨn naka?

Namnusən Təwɨr Rəha Iesu Kristo Itəm Luk Təməte 2:32

In otuwa nəhag-əhagən, kən otəgətun rəham suatɨp kəm Iaihluə mɨn, kən netəmim okotɨləs-ipər rəham mɨn netəm Isrel o Iosmegəh əh.”

Namnusən Təwɨr Rəha Iesu Kristo Itəm Luk Təməte 2:34

Kən Simeon təməfak məmə nəwɨrən rəha Uhgɨn otuwɨn olau. Kən in təmən kəm Meri itəm in mama rəha suakəku məmə, “Onakatehm, Uhgɨn təmɨtəpun məmə suakəku u otol məmə netəmim tepət əpəh Isrel okoteiuaiu motorin, kən tepət mɨn okotər. Kən in otuwa nəmtətin kit itəm netəmim tepət okotəghat rat lan məmə,

1 Pita 2:4

Uhgɨn tolkeike məmə otiləkɨn rəhan kit nimə e kitat netəmim, kən təmɨtəpun Kəpiel kit itəm netəmim kəmotapəs, məto in kəpiel keike tatəmegəh məmə Uhgɨn otətuoun nimə lan. Kən nian nakotuwa o kəpiel u Kristo e suatɨp rəha nahatətəən,