1 Pita 2:6 - North Tanna

⁶ Tahmen-pən e Naoa Rəha Uhgɨn tatən mihin məmə, “Otəplan-tu. Iakatələhəu kəpiel əpəh Jerusalem, inu kəpiel keike pɨk agɨn itəm io emɨtəpun, kəpiel u in rəha nətuounən nimə, kən etəmim itəm otahatətə lan, in otəsaulɨsən.”

1 Pita 2:6 Referans Kwoze

1 Pita 2:4

Uhgɨn tolkeike məmə otiləkɨn rəhan kit nimə e kitat netəmim, kən təmɨtəpun Kəpiel kit itəm netəmim kəmotapəs, məto in kəpiel keike tatəmegəh məmə Uhgɨn otətuoun nimə lan. Kən nian nakotuwa o kəpiel u Kristo e suatɨp rəha nahatətəən,

Efesas 2:20

Kitat kotahmen e nimə kit rəha Uhgɨn itəm nelkɨ nimə in Kristo Iesu, kən aposol mɨn ne ien mɨn, ilat nelmɨ nimə asol mɨn,

Namnusən Təwɨr Rəha Iesu Kristo Itəm Mak Təməte 12:10

Kən Iesu təmən-ipən kəm ilat məmə, “?Nəmotafin Naoa Rəha Uhgɨn u, o kəp? Tatən məmə, ‘Kəpiel u itəm netəm rəha niləkɨnən nimə kəsotolkeikeən motapəs, in tɨnuwa kəpiel keike o nolən nimə. Iərəmərə təmol nat u, kən in nat təwɨr agɨn e nɨganəmtɨtat.’”

Naoa itəm Pol təməte tuwɨn kəm iəfak mɨn ikɨn Rom 10:11

Tahmen e Naoa Rəha Uhgɨn itəm tatən məmə, “Netəmim rafin itəm koatahatətə e suah əh, okol ilat okəsotaulɨsən nian okoatətul e nɨganəmtɨ Uhgɨn.”

2 Timoti 3:16

Nəghatən mɨn rafin e Naoa Rəha Uhgɨn, kəmotɨsɨ-pən əm e nohlɨ Uhgɨn, kən koatasitu etat. Koatəgətun kitat, moatəniəp nolən rat mɨn rəhatat, moatəg-ətuatɨp-in kitat, kən moatəgətun kitat e nolən mɨn itəm kotətuatɨp.

Namnusən Təwɨr Rəha Iesu Kristo Itəm Jon Təməte 7:38

Etəmim itəm tətahatətə lak, in tahmen e nəghatən rəha Naoa Rəha Uhgɨn u tatən nulan məmə, ‘Nəhau itəm tatos-ipən nəmegəhən pahrien, in otɨsɨ-pən e nɨkin, tahmen e nəmtɨ nəhau itəm tɨtapuəl-apuəl matər mətaiu e nɨkin.’”

Namnusən Təwɨr Rəha Iesu Kristo Itəm Luk Təməte 23:35

Kən netəm mɨn u koatətul əh-ikɨn, moatehm natɨmnat mɨn u, məto etəm-iasol mɨn rəha noanol rəha Isrel kotalah əsan e Iesu moatən məmə, “!In təmosmegəh netəmim tepət rəkɨs. Məto okəmə in Kristo itəm Uhgɨn təmən məmə otahl-ipa, kən in Etəm Uhgɨn Təmɨtəpun, kən pəs in otosmegəh atɨp in!”

Matiu 12:18

“Inu iolwək rəhak itəm io enɨtəpun rəkɨs, iakolkeike pɨk in, kən nɨkik tagien pɨk ron. Kən io oekol məmə Narmɨn Rəhak otuwa mərioah lan. Kən in otən-iarəp nolən ətuatɨp rəhak ne nosmegəhən rəhak e nɨganəmtɨ netəmim e nəptən pɨsɨn pɨsɨn mɨn.

2 Pita 3:16

Tatəghat-in natɨmnat mɨn əh e naoa mɨn rafin rəhan. E naoa mɨn əh, natɨmnat neen əh-ikɨn itəm tiəkɨs məmə okotɨtun. Kən netəm kəsotolən skul məsotɨtunən nat, kən rəhalat nətəlɨgən tətaliwək-aliwək, ilat koatəuhlin nəghatən mɨn rəha Pol, e nolən kitiəh əm itəm koatəuhlin nəghatən rəha naoa neen mɨn rəha Uhgɨn. Kən Uhgɨn otərəkɨn ilat ron.

2 Pita 1:20

Kən nat asol e natɨmnat mɨn u, nəkotəkəike motɨtun məmə nəghatən rəha ien mɨn e Naoa Rəha Uhgɨn, ien kit təməsən atɨpən nəghatən mɨn əh,

Efesas 1:4

Tol nəhlan, məto-inu nian Uhgɨn təməsolən əh neai ne nɨməptən, məto in təmɨtəpun kitat məmə kotuwa kitiəh kitat Kristo, kən məmə e nɨganəmtɨn, kitat kotətuatɨp kən kəsehm-pənən nolən rat kit e kitat.

Wək Mɨn 1:16

“Piak mɨn ne wɨnɨk mɨn. Nəghatən rəha Naoa Rəha Uhgɨn otəkəike muwa mol nɨpahrienən lan, itəm nuwəh aupən Narmɨn Rəha Uhgɨn təmos-ipən nəghatən kəm Kig Tefɨt, kən Kig Tefɨt təmən-iarəp suah u Jutas məmə in otit netəmim motuwɨn kaskəlɨm Iesu. Kən nəghatən əh tɨnuwa əh-roiu mɨnol nɨpahrienən lan.

Namnusən Təwɨr Rəha Iesu Kristo Itəm Luk Təməte 20:17

Məto Iesu təmasɨpən ətuatɨp əm olat, kən mən məmə, “Naoa Rəha Uhgɨn tatən məmə, ‘Kəpiel əh itəm netəm rəha niləkɨnən nimə kəmotərakin, in təmuwa kəpiel keike rəha nolən nimə.’ “?Məto nəghatən u nɨpətɨn naka?

1 Pita 2:8

kən Naoa Rəha Uhgɨn tatən məmə, “Kəpiel u tatol netəmim koatɨləs pɨkən, kən in kəpiel itəm tatol məmə netəmim kotiet katorin.” Ilat koatɨləs pɨkən kəpiel u məto-inu koatəht nəwia nəghatən, kən inu nalpəkauən itəm Uhgɨn təmol olat.