1 Jon 4:7 - North Tanna

⁷ Nɨkik mɨn, pəs kitat kotolkeike kitat mɨn, məto-inu nolkeikeən in tatɨsɨ-pən o Uhgɨn, kən etəm tatol nolkeikeən, in təmaiir wi mɨn muwa nətɨ Uhgɨn kit, kən tɨtun Uhgɨn.

1 Jon 4:7 Referans Kwoze

1 Jon 4:20

Məto okəmə suah kit təmə, “Io ekolkeike Uhgɨn,” məto tatetəhau əh pian, in ieiuə. Məto-inu etəm təsolkeikeən pian u in tatehm e nɨganəmtɨn, okol təsolkeikeən Uhgɨn, itəm in təsehmən.

1 Jon 4:8

Məto etəm u, rəhan nolkeikeən tɨkə, in təruru Uhgɨn, məto-inu Uhgɨn, in nəukətɨ nolkeikeən.

1 Pita 1:22

Nəmotaikuas e rəhatəmat nəmegəhən tɨnuwa mɨnuwiwi mɨn rəkɨs məto-inu nəmotətəu-pən nəghatən rəha nɨpahrienən. Kən o natɨmnat mɨn u, nakotos nolkeikeən pahrien tatuwɨn otəmat mɨn neen. Kən tol nəhlan, otolkeike pɨk itəmat mɨn e nɨkin pahrien.

1 Jon 2:10

Etəmim u itəm tolkeike pian, in tatətul e nəhag-əhagən, kən nat kit tɨkə e nɨkin məmə otapitətəl lan, morin.

Kalesia 5:22

Məto noa Narmɨn Rəha Uhgɨn itəm tatəwiə e nəmegəhən rəha netəmim rəha Uhgɨn, in tol nulan. Ilat koatolkeike netəmim, kən nɨkilat tətagien, kənu nəməlinuən tətatɨg e nɨkilat, kən rəhalat nətəlɨgən kaifəməh, kən moatasəkitun etəmim, kən rəhalat nolən in təwɨr təwɨr. Kən netəmim kotɨtun mə ilat netəm ətuatɨp, koatol noa.

2 Timoti 1:7

Ol wək e nəsanənən əh, məto-inu Uhgɨn təsos-ipamən kəm kitat nɨkin rəha nəgɨnən, məto təmos-ipa nɨkin rəha nəsanənən, ne nɨkin rəha nolkeikeən, ne nɨkin itəm tatol nolən mɨn itəm in tɨtun məmə kotətuatɨp.

1 Jon 4:12

Suah kit təsehmən Uhgɨn nian kit ne. Məto okəmə kitat kotolkeike itat mɨn, kən Uhgɨn tatəper-ipən e nɨkitat, kən nolkeikeən rəhan tɨnatoe-in nolkeikeən e nɨkitat.

1 Jon 2:29

Okəmə nəkotɨtun məmə in tətuatɨp, onəkotɨtun əsas məmə netəmim rafin itəm koatol nolən ətuatɨp, ilat u, nenətɨn mɨn.

Namnusən Təwɨr Rəha Iesu Kristo Itəm Jon Təməte 17:3

Kən nəmegəhən lilɨn u, nɨpətɨn u məmə netəmim okotɨtun ik, itəm ik əm un ik Uhgɨn pahrien, kən motɨtun mɨn Iesu Kristo u, ik nəmahl-ipa.

2 Korin 4:6

Tol nəhlan məto-inu Uhgɨn u təmən məmə, “Pəs nəhag-əhagən tuəp masiəgəpɨn ikɨn tapinəp ikɨn,” in təmasiəgəpɨn e nɨkitat məmə kitat kotɨtun nehmən nəsanənən, ne nepətən əhag-əhag rəha Uhgɨn, kən kitat koatehm natɨmnat mɨn əh e nɨganəmtɨ Kristo.

Kalesia 4:9

Məto roiu əh, nɨnotɨtun Uhgɨn. O təwɨr ilə məmə ekən nəhlan məmə Uhgɨn tɨnɨtun rəkɨs itəmat. ?Məto ekolkeike məmə ekətapəh-tu otəmat məmə nəkotɨtəlɨg-pən mɨn o iərmɨs mɨn o naka? Rəhalat nəsanənən tɨkə, kənu kol kəsotolən-ta nat wɨr kit kəm itəmat nian kit ne. Təhrol nakotəmə ilat okoatəlis mɨn itəmat?

Namnusən Təwɨr Rəha Iesu Kristo Itəm Jon Təməte 13:34

“Io iatən-ipɨnə nəghatən wi kit kəm itəmat məmə nəkotəkəike moatol. Itəmat nəkotəkəike motolkeike itəmat mɨn. Tahmen-pən əm məmə io emolkeike mihin itəmat, kənu e nolən kitiəh əm, itəmat nəkotəkəike motolkeike itəmat mɨn.

1 Korin 8:3

Məto etəmim itəm tolkeike Uhgɨn, Uhgɨn tɨtun in.

1 Jon 2:3

Kitat okotɨtun əsas məmə kotɨtun Uhgɨn okəmə kitat koatol nəwian.

1 Jon 2:4

Etəm u tatən mə “Ekɨtun Uhgɨn,” məto təsolən nəwian, in ieiuə, kən nɨpahrienən tɨkə lan.

1 Jon 2:7

Nɨkik keike mɨn, io esəteən nəghatən wi kit kəm itəmat məmə onəkotol, kən məto iatəte in oas itəm nəmotos rəkɨs e nətuounən, nian nəmotəto namnusən təwɨr; nəghatən oas u in nəghatən nɨnəmotɨtun.

1 Jon 3:9

Netəm mɨn u itəm kəmotaiir wi mɨn motuwa nenətɨ Uhgɨn mɨn, ilat okol kəsotəkəikeən e nolən rat, məto-inu ilat koatos niamɨtə rəha Uhgɨn. Kən o nat u, okol ilat kəsotəkəikeən e nolən rat, məto-inu ilat nenətɨ Uhgɨn mɨn.

1 Jon 4:11

Piak mɨn, Uhgɨn təmolkeike pɨk kitat nulan, kən tol nəhlan, kitat mɨn okotəkəike motol mihin nolkeikeən əh kəm itat mɨn.

1 Jon 4:16

Kən tol nəhlan, kitat kotɨtun nolkeikeən rəha Uhgɨn kəm kitat, kən motagɨle lan. Uhgɨn in nolkeikeən. Etəm tətatɨg e nolkeikeən, tətatɨg-pən e Uhgɨn, kən Uhgɨn mɨn tətatɨg lan.

1 Jon 5:1

Etəmim itəm tətahatətə e Iesu məmə in Kristo itəm Uhgɨn təmən məmə otahl-ipa, suah u inu, in nətɨ Uhgɨn, kən etəmim itəm in tolkeike tata kit, in tolkeike mɨn nenətɨn mɨn.

2 Jon 1:5

Kən roiu əh, wɨnɨk, io esəteən nəghatən wi kit kəm itəmat, məto itəm əm un kɨnotəto rəkɨs e nətuounən. Kən iakatətapəh məmə okotol əm nolkeikeən kəm kitat mɨn.