1 Jon 3:23 - North Tanna

²³ Kənu nəghatən u rəhan tatən məmə kotəkəike motahatətə e Nətɨn, Iesu Kristo, kən motolkeike kitat mɨn, tahmen məmə inu in təmən mihin kəm itat.

1 Jon 3:23 Referans Kwoze

Namnusən Təwɨr Rəha Iesu Kristo Itəm Jon Təməte 13:34

“Io iatən-ipɨnə nəghatən wi kit kəm itəmat məmə nəkotəkəike moatol. Itəmat nəkotəkəike motolkeike itəmat mɨn. Tahmen-pən əm məmə io emolkeike mihin itəmat, kənu e nolən kitiəh əm, itəmat nəkotəkəike motolkeike itəmat mɨn.

1 Pita 1:22

Nəmotaikuas e rəhatəmat nəmegəhən tɨnuwa mɨnuwiwi mɨn rəkɨs məto-inu nəmotətəu-pən nəghatən rəha nɨpahrienən. Kən o natɨmnat mɨn u, nakotos nolkeikeən pahrien tatuwɨn otəmat mɨn neen. Kən tol nəhlan, otolkeike pɨk itəmat mɨn e nɨkin pahrien.

Namnusən Təwɨr Rəha Iesu Kristo Itəm Jon Təməte 15:12

Itəmat nəkotəkəike moatol nəghatən u rəhak. Tatən məmə itəmat onəkotolkeike itəmat mɨn, tahmen əm məmə io ekolkeike mihin itəmat.

Namnusən Təwɨr Rəha Iesu Kristo Itəm Jon Təməte 6:29

Kən Iesu tən-ipən kəm ilat məmə, “Itəmat nəkotəkəike motahatətə lak, məmə Uhgɨn təmahl-ipa io. Nat u inu Uhgɨn in tolkeike.”

1 Pita 4:8

Kən nat keike in ilɨs taprəkɨs-in natɨmnat rafin məmə, nakotolkeike itəmat mɨn e nɨkitəmat rafin məto-inu, e nian nəkotol nəhlan, kən nian rafin, nəkoatətul matɨp o naluinən nolən rat mɨn rəhatəmat.

1 Jon 3:11

Nəghatən u inu, nəmotəto e nətuounən e namnusən təwɨr, məmə kitat okotəike motolkeike itat mɨn.

1 Jon 4:21

Kən in təmos-ipa rəhan nəghatən kəm itat məmə etəmim pah tolkeike Uhgɨn in otəkəike molkeike mɨn pian.

1 Tesalonaeka 4:9

Nəkotɨtun rəkɨs nolən rəha nolkeikeən itəmat iəfak mɨn, kən inu sənəmə nat kit itəm ekəkəike məte e naoa, məto-inu Uhgɨn təməgətun rəkɨs itəmat o nolkeikeən itəmat mɨn.

Efesas 5:2

Kən otaskəlɨm əskasɨk nolən rəha nolkeikeən, tahmen əm məmə Kristo təmolkeike mihin kitat kən muwa mɨmɨs otat, kən nɨmɨsən rəhan tahmen e sakrifais kit nəmiəwɨn təwɨr itəm katos-ipən kəm Uhgɨn mol nɨkin tagien lan.

Namnusən Təwɨr Rəha Iesu Kristo Itəm Mak Təməte 9:7

Kən napuə təmuwa malpin ilat, kən kəmotəto nəwia suah kit təmɨsɨ-pən əpəh e napuə məmə, “Inu netɨk keike u ekolkeike pɨk. Onakəhaləkəike məhalətəlɨg-in in.”

Matiu 22:39

Kən Lou itəm tatol kəiu lan, in iuəhkɨr tahmen əm, məmə, ‘Nakəkəike molkeike ik kit tahmen əm məmə nakolkeike atɨp ik.’

Wək Mɨn 16:31

Kən kuən-ipən kəm in məmə, “Onəkəike mən nɨpahrienən e Iərəmərə Iesu, kən məmə Uhgɨn otosmegəh ik ne rəham mɨn.”

Namnusən Təwɨr Rəha Iesu Kristo Itəm Jon Təməte 17:3

Kən nəmegəhən lilɨn u, nɨpətɨn u məmə netəmim okotɨtun ik, itəm ik əm un ik Uhgɨn pahrien, kən motɨtun mɨn Iesu Kristo u, ik nəmahl-ipa.

Namnusən Təwɨr Rəha Iesu Kristo Itəm Jon Təməte 14:1

Kən Iesu təmən-ipən kəm ilat məmə, “Nɨkitəmat təsahməən. Itəmat nəkotəkəike motahatətə e Uhgɨn, kən motahatətə mɨn lak.

1 Timoti 1:15

Inu nəghatən tatən pahrien, kən kitat kotəkəike motən nɨpahrienən lan: Kristo Iesu təmuwa e nətueintən məmə otosmegəh netəm kotərat, kən io etəm rat agɨn taprəkɨs-in rafin ilat.

Namnusən Təwɨr Rəha Iesu Kristo Itəm Jon Təməte 1:12

Məto netəmim rafin itəm kəmotos in nɨkilat tagien ron, kən motahatətə e nərgɨn, kən in təmegəhan-in ilat koatuwa nenətɨ Uhgɨn mɨn.

Namnusən Təwɨr Rəha Iesu Kristo Itəm Jon Təməte 2:23

Nian əh Iesu təmətatɨg e Jerusalem e nian rəha lafet rəha Nuhagego-inən, netəmim tepət kəmotəplan nəmtətin mɨn itəm in təmol, kən kəmotahatətə e nərgɨn.

Namnusən Təwɨr Rəha Iesu Kristo Itəm Jon Təməte 3:18

“Etəmim itəm tətahatətə lan, Uhgɨn okol təsənən nalpɨnən rəhan, məto etəmim itəm təsahatətəən lan, Uhgɨn tɨnən rəkɨs nalpɨnən rəhan, məto-inu in təsahatətəən e Nətɨ Uhgɨn Noan Kitiəh Əm.

1 Jon 2:7

Nɨkik keike mɨn, io esəteən nəghatən wi kit kəm itəmat məmə onəkotol, kən məto iatəte in oas itəm nəmotos rəkɨs e nətuounən, nian nəmotəto namnusən təwɨr; nəghatən oas u in nəghatən nɨnəmotɨtun.

1 Jon 4:15

Etəmim itəm tatən-iarəp məmə Iesu in Nətɨ Uhgɨn, kən Uhgɨn tətatɨg lan, kən in mɨn tətatɨg-pən e Uhgɨn.

1 Jon 5:13

Iatəte nəghatən mɨn u kəm itəmat netəm kotahatətə e Nətɨ Uhgɨn, məmə onəkotɨtun məmə itəmat nakotos nəmegəhən lilɨn.