1 Jon 2:4 - North Tanna

⁴ Etəm u tatən mə “Ekɨtun Uhgɨn,” məto təsolən nəwian, in ieiuə, kən nɨpahrienən tɨkə lan.

1 Jon 2:4 Referans Kwoze

1 Jon 1:6

Okəmə kitat kotəmə kɨnoatol kitiəh kitat min, məto kitat kotaliwək e napinəpən, kən koateiuə, kən məsotatɨgən e nɨpahrienən.

Taetas 1:16

Ilat koatən məmə kotɨtun Uhgɨn, məto nolən rəhalat tatəgətun məmə koateiuə, ilat koatəuhlin məntaalat kəm Uhgɨn. Netəm mɨn əh kotərat agɨn, kotalməl koatəht nəwia Uhgɨn, kən okol ilat kəsotolən nat wɨr kit ne.

1 Jon 1:8

Okəmə kitat kotəmə sənəmə kitat nol təfagə rat, kitat koateiuə-in atɨp əm kitat mɨn, kən nɨpahrienən tɨkə etat.

1 Jon 4:20

Məto okəmə suah kit təmə, “Io ekolkeike Uhgɨn,” məto tatetəhau əh pian, in ieiuə. Məto-inu etəm təsolkeikeən pian u in tatehm e nɨganəmtɨn, okol təsolkeikeən Uhgɨn, itəm in təsehmən.

1 Jon 2:9

Kən etəm u tatən mə in tətatɨg e nəhag-əhagən məto tatetəhau pian, in tətatɨg əh e napinəpən.

1 Jon 1:10

Okəmə kitat kotəmə kəsotol agɨn-əhən nolən rat, kən kitat koatən neiuəən e Uhgɨn, kən rəhan nəghatən təsatɨg agɨn-əhən e nəmegəhən rəhatat.

Namnusən Təwɨr Rəha Iesu Kristo Itəm Jon Təməte 8:44

Itəmat, rəhatəmat nolən tahmen əm e nolən rəha tata rəhatəmat, Setan. Kən nian rafin itəmat nakotolkeike nolən noan. Nolən rəhan itəm təmatol e nətuounən, tatol əh, in etəmim rəha nohamnuən itəm. In tatetəhau nɨpahrienən, məto-inu nɨpahrienən tɨkə lan. Nian in tateiuə, in tatol əm rəhan nolən, məto-inu in etəmim rəha neiuəən, kən in tata rəha neiuə mɨn.

Taetas 1:10

Iatəghat min-nulan məto-inu netəmim tepət e niməfak əpəh Krit kotetəhau nəgətunən pahrien u. Ilat, nəghatən rəhalat tɨtatɨperəh pɨk tahmen e kaluəluə, məto nuhuən lan tɨkə, kən moatiuw rəkɨs netəmim neen e nəgətunən eiueiuə mɨn rəhalat. Netəmim tepət itəm koatən məmə okəkəike kəhg-ipən netəmim, ilat iəgətun eiueiuə mɨn.

1 Jon 2:3

Kitat okotɨtun əsas məmə kotɨtun Uhgɨn okəmə kitat koatol nəwian.

1 Jon 3:6

Tol nəhlan, okəmə kitat koatəper-ipən lan, tol-pən okol kəsotəkəikeən e nolən rat mɨn. Məto netəm mɨn un itəm koatəkəike əh e nolən rat mɨn, tol-pən kotəruru agɨn-əh in, məsotəplanən in.

1 Jon 4:7

Nɨkik mɨn, pəs kitat kotolkeike kitat mɨn, məto-inu nolkeikeən in tatɨsɨ-pən o Uhgɨn, kən etəm tatol nolkeikeən, in təmaiir wi mɨn muwa nətɨ Uhgɨn kit, kən tɨtun Uhgɨn.