Tito 1:1 - Nuevo Testamento Toba Maskoy

¹ Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

Tito 1:1 Referans Kwoze

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

1 Timoteo 6:3

apto la lhema enenlhet apsoiam mok aktema hengetlhekmoskama mankolhnemo m'a hengetlhekmoskama apveske engankok Jesucristo, ammelhma m'a hengetlhekmoskama enganko'ok anak aktemakha mongiaskeiam anak,

2 Timoteo 2:25

etnek na meientalhnemo ennavaksek apkellelto nak apkellammelhma la apketlhekmoskama, koka Eniapom Neten hatelha enianak eliaqmongkasekhak mo'ok apvalho'ok ma'a kanhan eliangveskeskamhok akvesai'a nak akto have niapak,

2 Timoteo 2:23

Meniailho nkek nema aliamenammalhka la'a, koka aqhemo m'a, vanlha koka mota aktepkeskama nennapommalhka m'a.

2 Pedro 1:3

Apmopvana nak Eniapom Neten hengeliekpelkeskaskek apto neten apankek nema apmopvana, elanak na qaselha hempelapkeskama, hengellavema lhta kakpota hengellangkok lhamakho qaselha alaimommalhkelha la'a angellanangkok na aktaqmanma.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

2 Pedro 3:11

Hai', lhamakho qaselha ta nkonaqtevasalhkak ma'a, ka ngkanek na ketlhengkap ntasek eltaqmelkasakpo mota, eleliehekhok na Eniapom Neten.

1 Timoteo 2:4

apkeltemo nhan angelvongkasalhkak tep nenlhamakho, angeliangvomhok na akto have niapak anke'.

Colosenses 2:2

Avanhek na asteniai'o eiempehek askeliatekhoho aplhamakho m'a askeltemo etlhengkesek apkelpasmommakpo, ellasekhakpoho kakpota nkovak akiokho nkek apkeliekpelkangveiam kanhan apkeliangveiakmo qaselha akielhammalhka nak apeneskamo lhnak nanek Eniapom Neten aplheianmo lhnak nanek eniapaksek Cristo,

Filipenses 1:1

Ko'o Pablo kakpota nhan Timoteo, nengelelto hengellasennaikama Jesucristo, nketlhenkek engelvalho'ok apkellelto apkelpokkenammap apkakhangko ham akieto natemma Filipos, apkellelto apkelpasmekha Cristo Jesús. Ka nhan nketlhenak na engelvalho'ok ennengko'o apkelemhama apmaniaie ham kakpota nhan diaconos.

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

Hechos 13:48

Nkelpaihekhek nak apvalho'ok metnangko judios apkellengai'o m'a, apketlheianmo lhnak na aktaqmanma Eniapom Neten apaivoma, meliaskeiakmo nhan apkellelto apkeliekieskama Eniapom Neten kakpota ngkoitek aliennaktema apnenio'ok mankotnengvaianlha nnelha.

Efesios 2:8

Aktaqmanma nkek apkellanei'o Eniapom Neten ka nkeniemai'ak apkelvongkeskamo tep, meliaskeiakmo songke ketlhengkap ma'a. Metka akianmoma nhan ma'a, have apteniaiangko apiempeiok apteniaikamok ma'a.

1 Juan 2:23

Enenlhet apto la aptaqnongkoma Apketka nak ma'a, aptaqnevakkek na m'a Apiapom anak, koka apto la nhan enenlhet apmama takha Apketka nak ma'a, apmek na takha Apiapom anak ma'a.

Lucas 18:7

Eniapom Neten hata nhan epasmok ma'a apto enenlhet apkeliekieskama apkelienlhaneiakmo la'a apkenmalhnonkoma mota aknem anke kanhan pelhasep, melailhek hata nhan m'a,

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

Apocalipsis 1:1

Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.