Marcos 9:21 - Nuevo Testamento Toba Maskoy

²¹ Ka apkenmalhneiangka lhnak Jesús apiapom apketkok ma'a, lhna aptemak: —¿Lhennenga nlho aktema heng, he? —Hai', lhennenga, aptemakha lhta nematka.

Marcos 9:21 Referans Kwoze

Hechos 9:33

Ka apvetangveiakmo lhnak lhema enenlhet apvesai'a Eneas, 8 iantelhkapa lhna ntemak apietnema neten nema aktankeskama, metka aptapno'ok nak ma'a.

Hechos 14:8

Apnengkek nak nalhepop lhema enenlhet apteiaianlha sekha lhnak mankomopvana elhong m'a aniem'o ngkollatsekama apmankok akieto m'a Listra.

Hechos 3:2

Apnengkek nak na lhema enenlhet apiaqtekama apteianlhasekha m'a. Lhamakho aknem nak nema akiantemekha mota nekha atong akvesai'a Aktaqmelo kakpota eniapiosakpok ellasnama qaselha apkellelto apkelentalhnengvekha m'a.

Juan 9:1

Neksa aplhengama lhta Jesús apvet'o lhema enenlhet apteiaianlha sekha metka apaqto'ok ma'a.

Lucas 13:16

Ko'o nhan nkaimelhkak alekkesek akmaska aiempek ngkelvana nak aptaven neptamen Abraham, 18 iantelhkapa ntemak malha aktetema Satanas, ntasek astaqmelkasakho aknem sabado nennekhelha nak —lhna aptemak Jesús apkellanemo m'a.

Lucas 8:43

Nlomaka lhnak na apieseksek enenlhet lhema ngkelvana akmaska aiempek, 12 iantelhkapa lhna ngvaiakmok ma'a, avanhek nak akteiapma ema ankok. Nsavhommalhkek na mota patakkom ankok akianmongkeskama ponha niapom, koka mang noka nkotaqmalveiakmok ma'a.

Marcos 5:25

Nlomaka lhnak na m'a lhema ngkelvana akiavai'a akteiapma ema ankok apieseksek enenlhet'avok, 12 iantelhkapa lhna ntemak aklengaiangko m'a.

Marcos 9:20

Ka apkeliantementamo lhnak apnakha Jesús apketkok nak ma'a, akvetai'o lhnak na kasekapok av'alhok m'a. Kolhvavek ankek nak ntemeskasekha' apketsepaikama, apiaqnanmo lhnak nalhepop apkellelhpokhaiangka lhnak ma'a, aktepkeskamo lhnak na akiaqmopai'a apatong.

Marcos 9:22

Ntevaskangke mota, nieniavke mota natelh ka nhan nemmen akmahai'a ngkaqhek. ¡Epasem no eietka akietno la apmopvana lheiap, eietno no nengaqta'a ennengko'o! —lhna aptemak apiapom.