Marcos 8:35 - Nuevo Testamento Toba Maskoy

³⁵ Enenlhet apto la apmahai'a evongkasakpo pankek tep apiokhoho, emaskengvomok hata m'a. Koka enenlhet apto la meniommakpo pankek apiokhoho aniem'o heieplekama kanhan apmama takha ania'a aktaqmanma nak, evongkasakpok hata tep ma'a.

Marcos 8:35 Referans Kwoze

1 Corintios 9:23

Lhamakho qaselha aktemakha nak askellanai'a kakpota nkotaqmelek ma'a ania'a aktaqmanma nak, kakpota nhan angvetsevaso ko'o aniem'o m'a.

2 Timoteo 1:8

Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

Lucas 17:33

Enenlhet apto la apmahai'a evongkasakpo pankek tep apiokhoho, emaskengvomok hata m'a. Koka enenlhet apto la meniommakpo pankek apiokhoho, evongkasakpok hata tep ma'a.

2 Corintios 12:10

Avanhek na akpaihekha evalhok neksa moiennaktema la'a, neksa aimommalhka nhan qaselhaha, nema heiaqmasekama, neksa akvai'a akientalhnema aniem'o enenlhet apkenmahai'a henaqtevaksek aniem'o nhan moi'askeiam Cristo. Neksa moiennaktema apankek la'a, malha asiennaktema pankek ntakhak ma'a.

Hechos 9:16

Ataskesek hata m'a akiavai'a aplengaiangko akientalhnema aniem'o apaiesaikama asvesai'a —lhnak aptemak Apveske.

Lucas 9:24

Enenlhet apto la apmahai'a evongkasakpo pankek tep apiokhoho, emaskengvomok hata m'a. Koka enenlhet apto la meniommakpo pankek apiokhoho aniem'o heieplekama ko'o, evongkasakpok hata tep ma'a.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Hechos 21:13

Koka lhta aptak Pablo hengellatemmongka: —Mollaiose nke apvalho'ok ketlhengkap, meliapqalh ankek nahan, aniakha ta ko'o Jerusalen niekhe astetemmalhka ta m'a, niekhe nhan asmatnama ta aniem'o apvesai'a Apveske Jesús —lhta aptak hengellano m'a.

Apocalipsis 7:14

—Ma', lheiap koka apiave —lhta stak askatemmongka m'a. Koka lhta aptak mokhom heiano: —Koka enenlhet'avok anak hengke'e apkellelto lhta apkelvetaiangko akientalhnema, malha apkelieniesekamok apkelentalhnema kakpota enmopekhak ma'a aniem'o lhta ema apankok Nepkesek Apketkok.

Hebreos 11:35

Moklhem'a ngkelvana'ak lhnak nanek na nketlhevekhak atkak apkeletsepma m'a apnaklhatekhangveiam aniem'o lhnak nanek na nkoliaskeiam. Moklhem'a lhnak nanek na nnemak aknaqtevaskamo m'a aniem'o meliaskeiam, mang nak nanek na eleltemo niekhe ngkolhek al·hatsoskakho m'a ngkanek apkeliamavek niekhe eletsepok hata kakpota enaklhatekhangvomok mokhom elvetangvomok na aktaqmanma apkellangiemhaikama m'a, mankolhno hengke'e nalhepop anak.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Marcos 8:36

Aqhemo koka eniankesangkok apketsekama, aktemongvakmo la nnelha apkaniemhaikama.