Marcos 8:34 - Nuevo Testamento Toba Maskoy

³⁴ Ka apkellaveiangka lhnak Jesús apkeltamesaikamok kakpota nhan enenlhet'avok, lhnak aptemak apkellanemo: —Enenlhet akleko la apvalhok etnehek heieplekamaha, nkaimelhkek metnek apmak'akha la etnehek. Epatmekhak na malha iamet aktenneskama apankok, heieploma nhan ko'o.

Marcos 8:34 Referans Kwoze

Juan 10:27

Nepkesek ehenko'ok la'a apkeliekpelkavek aspaioma, helieplakhek nahan, askeliekpelkavek na ko lha m'a.

Galatas 5:24

Nenlhamakho nengelelto nelpasmekha Cristo Jesús malha ntemak neliaqhapkeskekha la neten iamet aktenneskama akiaspongkomakha nak engelvalho'ok akteniai'a na mota nkolanak ngkollatsekama.

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

1 Juan 3:16

Hengelvetaskaske lhta Jesús nentemakha nengasekhai'o emmo'ok neksa apketsepma lhta m'a henianmoma ennengko'o, ntasek na ennengko'o angankoho aklhamakho aimommalhkelha la'a akvakmo nhan nengetsepo akiaqmoiekha m'a emmo'ok.

Filipenses 3:10

Asmak'ak aiavenkasangkok mokhom asiangveiakmo Cristo, asmak'ak na annangkoho nema akmovana aklhatekhaskeiakmo lhnak Cristo apieseksek apkenmaskengvaiakmo, ntasek na annangkok akientalhnema akvakmo asketsepo aptemo lhta nhan apkaniemhaikama m'a Cristo,

Lucas 9:23

Lhna aptemak na Jesús apkellanemo aplhamakho enenlhet'avok ma'a: —Apmak'o la enenlhet etnek heieplekama nkaimelhkek metnek apmak'akha la etnehek, epatmekhak na akientalhnema malha iamet aktenneskama apankok lhamakho aknem kakpota heieploma ko'o.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

Filipenses 3:7

Koka lhamakho qaselha lhkek askanemo lhta ko'o akto neten ankek akiaspommalhka m'a, koka mmaskek kolhvave nak aniem'o Cristo.

1 Pedro 4:1

Aplengaiangke lhta nhan Cristo neksa apkaniemhaikama hengke'e nalhepop anak, ntasek na enmankok takha ketlhengkap ma'a akvo'o la apkellengaiangko akientalhnema. Enenlhet apto la apmopvana evaskapok neksa akvai'a la akientalhnema, apmopvana nhan etneskasentak koneng ngkollatsekama nak

Galatas 6:14

Vanlha koka ko'o anmalhko evalhok aniem'o Apveske engankok Jesucristo apto lhta apketsepma neten iamet aktenneskama, ka nkeniemai'ak astaqnongvekho qaselha ngkollatsekama neniava nak, kanhan hetaqnongvekho m'a neniava nak.

1 Corintios 15:31

Lhamakho aknem atlhenkeskama mota amatong ma'a, have niapak ankek astakha nak. Koka malha akpaieskaiam evalhok ma'a aniem'o aptaikamok meliaskeiam ketlhengkap.

Romanos 6:6

Neliavek ennengko'o alvaneiam alhta engelvalho'ok nketsepmek lhemek ma'a Cristo akieto neten iamet aktenneskama, mmaskek na hengenmangka ngkollatsekama nak.

Lucas 14:33

Ka stak ko askellano mokhom ketlhengkap kolhvave nak, apkelmak'ak hata nkek etnangkok askeltamesaikamok, nkaimelhkek sekhek amanie nkek eniaqhesokha qaselha apanko'ok.

2 Pedro 1:14

Apveske engankok Jesucristo apiangveskeskaiakmok evalhok nkanketkek angvetsepok hata aieniekhak hata asiokha nak,

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

Tito 2:12

ka nkeniemai'ak ntasek angelvatesangkok nentaikamok mongeliamolhma, kanhan alletsepmakha ennenio'ok anak, kolhva koka ntasek angelloka atlhenaikama mota engelvalho'ok aktaqmanma qaselha nak, angellanangkok na akpeivomo, angellamelemmak na emmo'ok,

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Lucas 18:22

Koka lhna aptemak Jesús apkanemo: —Lhema qaselha nkaimelhkak lheiap etnehek, etlhak lhamakho apketsekama apankok, etenia ta akianmoma patakkom kakpota ellangkongvomok patakkom metka nak apkelletsekama kakpota heieplomaha. Netamen ngkoitek hata lheiap ngkeskama apketsekama m'a neten —lhna aptemak ma'a.

Lucas 13:24

—Elienlhanmamok ketlhengkap elentalhnengvom atong atkok, mang hata nte niekhe enenlhet'avok apkenmahai'a niekhe elentalhnengvomok ma'a, koka mankollapvankek hata m'a.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Hebreos 13:13

Ennengko'o nhan nkaimelhkek antangkok malha nelenteiapma m'a apiav'akha temma, angenmangkok na takha akientalhnema aniem'o neltaqnommalhka malha aktemo lhta apkaniemhaikama Jesús ma'a.

2 Tesalonicenses 3:11

Nkanek nellengai'ak koka apkelvesai'a moklhem'a apieseksek anak ketlhengkap akhemo lhna ntemak apkellangiemhaikama, mankonmahai'a enmakmamaha, vanlha lhna mota apketlheianveiakmo aptakha la po'ok temma aptakha la nhan apkelvetai'a m'a.

1 Corintios 9:19

Have ko'o nema heiasennaikama nema apianmoma, astek koka malha nema heiasennaikama nema apianmoma kakpota alpasmok aplhamakho ketlhengkap nkolhnangkok na meliaskeiam Cristo alienlhanmok na alhamasekha la'a.

1 Corintios 8:13

Ka astengkeso la enialheng aniem'o astoma apetek monganemmalhkelha nak anto'ok napaqtek ma'a, ntasek na motvek ma'a kakpota motengkesek enialheng.

Juan 19:17

Aplhengke lhta Jesús ma'a akieplomo iamet aktenneskama apatama akvakho iokhalhma akvesai'a Golgota, hebreo apkeltema koka aknaiangkolha ientepak nema apqatkok.

Lucas 20:45

Mang nantek apkellailhemo apkeltennaikama Jesús enenlhet'avok ma'a, lhna aptemak apkellanemo apkeltamesaikamok:

Marcos 10:21

Apkelanei'avek nak Jesús apketkok anak, apkamelaiangka lhnak ma'a, lhna aptemak apkanemo: —Lhema qaselha nkaimelhkak elana', elieniav hata lhamakho apanko'ok anak, etenia ta akianmoma patakkom kakpota ellangkok metka nak apkelletsekama, kakpota heieplomaha'. Ka apto la m'a, ngkoitek hata ngkeskama qaselha apanko'ok anmennave m'a neten —lhna aptemak Jesús.

Marcos 7:14

Ka apkellaveiangka lhnak Jesús apentalhnema enenlhet, lhna aptemak apkellanemo: —¡Eltaqmelkaso no apkellailhemo kakpota eliangvomho!