Marcos 8:33 - Nuevo Testamento Toba Maskoy

³³ Ka apengkammakpo lhna neptamen Jesús ma'a apmeiekho apkelaknangkelha apkeltamesaikamok, apnaveskamo lhnak Pedro m'a, lhna aptemak: —¡Konie Satanas! Mangkolhnok akietnaikama apaqtek anak lheiap Eniapom Neten, enenlhet apankek akietnaikama apaqtek lheiap —lhna aptemak Jesús.

Marcos 8:33 Referans Kwoze

1 Juan 2:15

Melteniamo nke mota qaselha ngkollatsekama aknaiangko nak nalhepop, mellanko nkek na apvalhok anak aliatengko la altemo ellanangkok qaselha ngkolatsekama. Apto la enenlhet apteniai'a mota ngkollatsekama, meniasekhek hata nhan Eniapom.

Filipenses 3:19

Koka enenlhet'avok anak enaqtevasakpok hata ngkanek vanlha mota anmahai'o nkek apvalho'ok ellanangkok qaselha ngkolatsekama apanko'ok apankavek, apkelakpek apkellanengko la qaselha henmankaskama nak, vanlha mota atlheianma apvalho'ok qaselha aknaiangko nak hengke'e nalhepop anak.

Apocalipsis 3:19

Hai, nkoihek ehetong askellan'o kanhan askennaveske' aplhamakho apkellelto la askellamelaiam. ¡Eiaqmongkasekha ta mo'ok apvalhok, etenio ta apiempek heieplekama!

1 Pedro 4:1

Aplengaiangke lhta nhan Cristo neksa apkaniemhaikama hengke'e nalhepop anak, ntasek na enmankok takha ketlhengkap ma'a akvo'o la apkellengaiangko akientalhnema. Enenlhet apto la apmopvana evaskapok neksa akvai'a la akientalhnema, apmopvana nhan etneskasentak koneng ngkollatsekama nak

1 Timoteo 5:20

Koka eliennaho ta ellanhok lheiap ma'a apkellelto nak melvatesaikamok apkellanekamok ngkollatsekama napaqtavek aplhamakho enenlhet'avok la'a kakpota elagak apkellelto apkellengai'a m'a.

1 Corintios 5:5

Ellamok hata enenlhet anak Satanas kakpota nkotvaksek apiokha nak, koka vanlha ta nkovongkasalhkak tep aphangok apvaktamo ta Apveske engankok Jesús.

Lucas 22:61

Apkammelhekhek nak Apveske apkenmangkelha Pedro m'a, aklheianvekho lhnak apvalhok aptemakha apaivoma Apveske eiennengkesek hanetolhem'a amanie akpaivoma tape'e.

Marcos 3:34

Apkelanei'avek nak neksa apkakhaikamok enenlhet'avok kanhan ngkelvana'ak Jesús ma'a, lhna aptemak apkellanemo: —¡Tokha la ko'o malha meme kanhan elialheng'a enenlhet'avok anak hengke'e!

Marcos 3:5

Nnatheskangkek nak Jesús, aiosek na ntemak apvalhok apvetai'o aliennaktema apvalho'ok enenlhet'avok ma'a, lhna aptemak apkanemo enenlhet akiaqsekha apmek ma'a: —¡Epeivesekha no apmek! —lhna aptemak. Apkasekhai'avek nak, ka aktaqmelekho lhnak apmek ma'a.

Tito 1:13

Have niapak ankek ma'a aktemakha aplheianma m'a, ka ngkanek ntasek eliennahok lheiap aplhamakho apkellelto la apkelvanengvaiam ma'a kakpota eltaqmelkasekhok aptaikamok meliaskeiam ma'a,

Lucas 9:55

Mang na nkoleklemok apvalhok Jesús ma'a, ka apkeliamenaiangka lhnak apkeltamesaikamok ma'a.

Lucas 4:8

Ka apkatemmoiangka lhnak Jesús ma'a, lhna aptemak: —¡Mma'! Ka ntak Eniapom Neten apaivoma: «Vanlha ntasek elteklheiok aptapno'ok napaqtek Eniapom Neten aniem'o apkai'o, kakpota nhan eniasennama m'a» —lhna aptemak Jesús.