Marcos 8:2 - Nuevo Testamento Toba Maskoy

² —Mamma aptekamok enenlhet'avok anak, askelietnavek ko'o napaqta'a, hanetolhem'a aknem antak helieplekamaha.

Marcos 8:2 Referans Kwoze

Hebreos 5:2

Ka apiav'akha nak sacerdote meienna'ak ma'a ngkanek enenlhet apankek ma'a, apvankek koka nhan elietnahok napaqta'a enenlhet'avok la meliangveiakmo kanhan malha apketlheneiam anak.

Hebreos 4:15

Ka apiav'akha sacerdote nak ma'a apvankek elietnahok nengaqta'a ennengko'o neksa mongeliennaktema la'a, ngkanek apvetai'a lhta apmanie akiepkonma m'a, nnavek ennengko'o kolhvave nak, koka m'a melanai'ak qaselha ngkolatsekama la m'a.

Lucas 15:20

Ka aptaqhemo lhnak neptamen ma'a, apkanketkeskekho lhnak apnemakha apiapom. Mokhek nak apvetai'ak apiapom apkelhiaiakmo apketka, apietnai'avek nak napa'at, ka apketkaiangko lhnak aptangieiakmo m'a, apathetmo lhnak na m'a, apetsesmo lhnak nahan.

Lucas 7:13

Apietnai'avek nak na'at Apveske lhentampe m'a, lhna aptemak: —Moven ankek lheia' —lhna aptemak.

Marcos 9:22

Ntevaskangke mota, nieniavke mota natelh ka nhan nemmen akmahai'a ngkaqhek. ¡Epasem no eietka akietno la apmopvana lheiap, eietno no nengaqta'a ennengko'o! —lhna aptemak apiapom.

Marcos 6:34

Ka apteiapveiakmo lhnak Jesús loma nemmen, apvet'o lhnak apentalhnema enenlhet, apkelietnai'avek nak napaqta'a lhna songkek enenlhet malha nepkesek metka allanekama. Ka apketlhekmoskamo lhnak lhamakho aktemakha qaselha aktaqmanma.

Marcos 5:19

Koka Jesús lhna aptemak apkanemo: —Have', etaqhekha apnemakha lheiap, eleltennasamo ta apnemolhema kakpota nhan enenlhet lhamakho aktemakha apasmoma Apveske —lhna aptemak.

Marcos 1:41

Apietnai'avek nak napa'at Jesús ma'a, ka apmangveiakmo lhnak, lhna aptemak: —Hai', askeltavek ko'o ¡Kalhnekha apiempek anak! —lhna aptemak Jesús ma'a.

Hebreos 2:17

Nkaimommalhke lhtoka etnekhak sekhek enenlhet apankek elhnesakpok na apkelialheng'a, nkaimommalhke lhta nhan enietsepok apkeliaqmoiekha la m'a kakpota etnek apiav'akha sacerdote. Apkelietnai'o lhta nhan napaqta'a enenlhet'avok, apkeliehekho nhan Eniapom Neten neksa apkasennaikama m'a. Apiephongveiakmo nhan kakpota nkolhek na altemeskesangkankek apkellanekamok ngkollatsekama enenlhet'avok lhmankek ham.

Marcos 6:32

Apkenmeiekhek nak ma'a metkelha temma, apkelkanantemo lhnak lhema loma nemmen akiavai'a m'a.

Marcos 8:3

Ka askelapaso la apkakhaiangkelha metka aptaveikokha, nkolieihek kelha lhma amai, taiepek ankek apkakhaiangkelha napokha —lhna aptemak Jesús.