Marcos 7:9 - Nuevo Testamento Toba Maskoy

⁹ Apkeliekai'ak henganemakha Eniapom Neten, apkelieplavkeskangkek apkellanemmakpelha etnangko mota apanko'ok apankavek.

Marcos 7:9 Referans Kwoze

Galatas 2:21

Momahai'ak ataqheso qaselha aktaqmelo metka akianmoma heiaikamo lhta Eniapom Neten, hetneskeskamo nak aspeivomo aniem'o m'a Cristo, have aniem'o nhan ma'a ley apanko'ok anak judios, lhta akto la hetneskeskama aspeivomo aniem'o m'a ley anak, malha akhemo lhta ngkotnek apketsepma Cristo.

Marcos 7:13

Apkeltemeskesakhek koneng anke henganemakha aniem'o Eniapom Neten, koka apkeltemeskesakhek neten anke ma'a apkellanemmakpelha na mota etnangkok apanko'ok apankave'. Mantek na mo'ok qaselha ngkollatsekama apkellanekamok ketlhengkap —lhna aptema Jesús

Marcos 7:3

Lhna songke ntemak Judios kakpota nhan Fariseos apkelieplavkeskamo lhna mota apkellanemmakpelha etnangkok apkelvaneiam. Apkeltakmelkeskamavek nak apkelieniesekamok apmeio'ok kakpota etavokhak ma'a.

2 Tesalonicenses 2:4

Koka apto m'a apkammelhaikama Eniapom Neten, eniammelhek hata nhan lhamakho qaselha akietemo apkellai'o alleniem'o m'a Eniapom Neten. Avanhek hata ngkotnek ngkolatsekama, epekkanvomok hata aptanema akieto Eniapom Neten apnemakha, elhenakpok hata apankek na apto Eniapom Neten ma'a.

Romanos 3:31

Ko la aktemakha atlheianma apvalho'ok ketlhengkap, ¿mongiaskeiam anak mmaskeske nlho akiennaktema ley anak, he? ¡Ma! Ka mongiaskeiam anak hengeliangveskeskakmek ley anak akto aktaqmanma m'a.

Marcos 7:5

Lhna nkeniemai'ak elelmalhnama Jesús ma'a, lhna aptaiangkok —¿Se lha ntemak apkeltamesaikamok anak lheiap melvaneiangko nellanemmalhkelha mota antangkok aniem'o apkelvaneiam, he? Metka apkeltakmelkeskamo apkelieniesaikamok anak apmeio'ok aptavokho la'a —lhna aptaiangkok ma'a.

2 Corintios 11:4

Asleng'a lhta nhan ko'o ania'a ketlhengkap apkenmaiangko lhna lhta takha alleklemo nkek apvalho'ok nema aleltennaskama ania'a mok aktemakha koka netlheianmo na mota apvesai'a Jesús. Hai, apkenmaiangko lhna lhta takha ania'a mok aktemakha nkek ania'a aktaqmanma, apkenmaiangko lhna lhta nhan takha lhema espíritu, have koka m'a Espíritu apketlhevaiangko lhta sekhe lhta.

Galatas 1:14

Avanhek anke lhta askasekhai'o nellanemmalhkelha nak antangkok aniem'o nelieihengka, koneng alhta m'a asketlhelhma'ak aspaiomo lhema ehenkek judios.