Biblia Todo Logo
Bib sou entènèt

- Piblisite -




Marcos 7:34 - Nuevo Testamento Toba Maskoy

34 Ka apkammelhmo lhnak neten, aptepkeskamo lhnak apkamnoma, lhna aptemak: —¡Efata! Neltema, ¡konmaihekha!

Gade chapit la Kopi




Marcos 7:34
21 Referans Kwoze  

Ka apkel·hatsoso lhta metaimong atong enenlhet ma'a, apkammelho lhta nhan neten Jesús, lhta aptak: —Eniapom, astak ko'o gracias lheiap ngkanek apkailhavek askenmalhnekama lheiap.


Netamen apkenmamo lhnak Jesús 5 pan kakpota nhan hanet kelasma, apkammelhmo lhnak neten, aptemo lhnak na gracias Eniapom Neten ma'a. Netamen apkeliaptemo lhnak pan Jesús kakpota nhan kelasma, apkellaiangko lhnak apkeltamesaikamok kakpota ennaskangkok ma'a.


apmamo lhnak na amek Jesús, lhna aptemak apkanemo: —¡Talita, kum! —lhna aptemak. Nemaltema koka ¡lheia ngkelvana tkok, kotnemekha neten!


Lhna aptemak Pedro: —Eneas, Jesús hata etaqmelkasekha kolhvave nak, etnemekha neten, eliaqsasekha nema aktankeskama nak —lhna aptemak. Kolhvavek ankek nak apkenmekhak neten ma'a.


Apvet'a lhta Jesús María akveno ka nhan judios avanhe lhta akiapqalhemmalhka m'a, ka akteiakmo lhta nhan apvalhok Jesús ma'a,


Ka apkeliateiangka lhnak Jesús akiennaktema nkek ma'a, lhna aptemak: —Eloi, Eloi, ¿lema Sabactani? Neltema, Eniapom Neten, Eniapom Neten, ¿se lha ntak heienievo nak ke? —lhna aptemak Jesús ma'a.


Nlhengamavek nak apneniek Jesús ma'a, lhna aptemak apkellanemo: —¡Se lha ntak helelmalhnengka nak alanak qaselha mongenatkeskama, momak'ak alana! —lhna aptemak Jesús ma'a.


Netamen Pedro m'a apkeltemo lhnak elentepok aplhamakho enenlhet ma'a, ka apkelteklheklhemo lhnak aptapno'ok nalhepop, apkenmalhnongkomo m'a, ka apkelanei'o lhnak atsepma m'a, lhna aptemak apkanemo: —¡Tabita, kolhnekha no neten! —lhna aptemak. Ka anmaiesekho lhnak aqto'ok ma'a akvetai'o Pedro, ka aknemo lhnak neten takhalhet aktanema.


Ka apiennakteso lhta apvenekama Jesús, lhta aptak: —¡Lazaro, etiep ham! —lhta aptak.


Ka apiav'akha sacerdote nak ma'a apvankek elietnahok nengaqta'a ennengko'o neksa mongeliennaktema la'a, ngkanek apvetai'a lhta apmanie akiepkonma m'a, nnavek ennengko'o kolhvave nak, koka m'a melanai'ak qaselha ngkolatsekama la m'a.


Netamen apeneskama lhta apkeltennaikama Jesús ma'a, apkammelho lhta neten, lhta aptak: —Eniapom, ngvakmek aknem kolhvave nak kakpota elvetaskesek hata lhamakho enenlhet'avok apmopvana Apketka. Etnek hata nhan Apketka apkelvetaskeskama lhamakho enenlhet'avok aktemakha apmopvana lheiap.


Mokhom alhta akteiam apvalhok Jesús aniem'o akientalhnema m'a, ka apteteskakmo lhta akieto metaimong alhva apietnemakha lhta aphapak Lazaro, lhta aptak: —El·hatsos metaimong atong anak —lhta aptak. Koka lhta ntak Marta: —Apveske', 4 aknem antak apketsepma ham Lazaro, aptapke' —lhta ntak.


Ka apveno lhta nhan Jesús ma'a.


Apkanketkeskangkek nak natemma Jerusalen ma'a, ka apkammelhmo lhnak natemma Jesús, apvenemo lhnak ma'a,


—Hai', ntase, etaqmelekhak hata aniem'o mei'askeiam lheiap —lhna aptemak Jesús m'a.


Ka apteteskaiakmo lhnak apietnakha aphapak ma'a, apmangveiakmo lhnak na ntanema nema aktankeskama m'a. Apkelanveiakmo lhnak na enenlhet apkellelto apkelletsoma, lhnak aptemak Jesús apkanemo apketsepma: —¡Lheiap apketkok, etnemekha neten! —lhna aptemak.


Apietnai'avek nak napa'at Jesús ma'a, ka apmangveiakmo lhnak, lhna aptemak: —Hai', askeltavek ko'o ¡Kalhnekha apiempek anak! —lhna aptemak Jesús ma'a.


Kolhvavek ankek nak nkenmaihekhak apaiko'ok ma'a, aktaqmelekho lhnak na apalhkok kanhan apkeliatekama.


Swiv nou:

Piblisite


Piblisite