Marcos 6:52 - Nuevo Testamento Toba Maskoy

⁵² Mang nak eliangveiakmok mokhom, apkelvetai'ak na niekhe' aplhamasekho pan, mokhom noka aliennaktema apvalho'ok ma'a.

Marcos 6:52 Referans Kwoze

Lucas 24:25

Ka aptemo lhnak Jesús apkellanemo m'a: —Koka mankotlheiangvakhok apvalho'ok ketlhengkap apketlheianmo lhnak nanek apkeleltennasemmap ania'a nnenga ngkotnek hata m'a,

Marcos 16:14

Netamen apvetaskesammakpo lhnak mokhom 11 apkeltamesaikamok ma'a, neksa aptaveikokha lhnak ma'a. Mang nak na enieskamak apatong Jesús apkelanei'o ngkanek apkeliaskeiakmek nak na apketlheianma apkeltemo lheme aptemakha apkelvetai'a aplhatekhangveiam ma'a, aniem'o nhan aliennaktema apvalho'ok.

Romanos 11:7

Ka ntemak na kolhvave nak ko israelitas, niekhe apteniaikamok apkeleltemo eltaqmelkeskesek apkellangiemhaikama Eniapom Neten, koka melvetangveiakmok ma'a. Vanlha koka apqanetek apkelvetangveiam ma'a, apkellelto nak apkeliekieskama Eniapom Neten. Aplhamakha koka nnengkek aliennakteskeskamo apvalho'ok.

Marcos 7:18

Lhna aptemak Jesús apkellanemo m'a: —¡Ketlhengkap na meliohok mokhom! Akto nak alentalhnema apatong enenlhet have akpaisengkeskama apvalhok.

Marcos 3:5

Nnatheskangkek nak Jesús, aiosek na ntemak apvalhok apvetai'o aliennaktema apvalho'ok enenlhet'avok ma'a, lhna aptemak apkanemo enenlhet akiaqsekha apmek ma'a: —¡Epeivesekha no apmek! —lhna aptemak. Apkasekhai'avek nak, ka aktaqmelekho lhnak apmek ma'a.

Juan 12:40

«Nnengkek allapkesekhok apaqto'ok enenlhet'avok kakpota melvetie lhma, nnengkek na altemeskeskamo metka atlhenaikama apvalho'ok kakpota meliangvomhek ma'a, ka nkeniemai'ak na meliaqmongkasekho mo'ok apvalho'ok ma'a kakpota moltaqmelkeskamek neksa anmaska apiempeiok ma'a» —lhnak nane ntemak aptalheskama.