Marcos 5:23 - Nuevo Testamento Toba Maskoy

²³ —Eietno neha'at, mmak'ak lhek ngkotsepok eietka. ¡Nok, enengken hata apmeiok takhalhet kakpota mangkotsepe, ngkoloka ta mokhom! —lhna aptemak Jairo.

Marcos 5:23 Referans Kwoze

Lucas 13:13

Ka apnengkanmo lhnak apmeiok takhalhet ma'a, akpeivekho lhnak akhema m'a, ampai'o lhnak akiavenkaskesaikama apvesai'a Eniapom Neten ma'a.

Lucas 4:40

Apienakteskangkek nak ma'a, apkelletsakheskamo lhnak anmaska apiempeiok apnakha Jesús. Ka apnengkanmo lhnak apmeiok takhaplhet'ok moklhem'a anmaska apiempeiok ma'a, apkeltaqmelekho lhnak na.

Marcos 16:18

Enmok hata nha niekhe menasma, apienangko la nha niekhe aimenek hengaqhemo, mankoltemeskesama ta m'a. Eniakhesangkok hata nhan apmeio'ok takhaplhet anmaska apiempeiok, eltaqmelekhak hata m'a —lhna aptemak Jesús.

Hechos 28:8

Apiapom Publio apietnengke lhta apietnemakha m'a nemmaskema akmelhanma eniempehek alhta ngkaqhemak kakpota nhan nenianma. Ka apteteskakmo Pablo m'a apkenmalhneskaso lhta, netamen apnengkeno nhan apmeio'ok takhaplhet ma'a, ka aptaqmelakho lhta nhan apiapom alhta m'a.

Lucas 4:38

Apteiapmek nak Jesús ma'a apkaqnekhelha mota judios, apmeiekho lhnak Simon apnemakha. Nemo lhnak na altennaskektamo apkeltammap etaqmelkeskamo Simon apepiamong ma'a, akhema nemmaskema akmelhanma eniempek ma'a.

Marcos 8:23

Ka apmamo lhnak Jesús apmek metka apaqto'ok, aptepkeskamo lhnak na temma m'a, apiantemekho lhnak mo'ok nekha m'a. Ka apkelhpakhai'o apiemanong Jesús apaqto'ok enenlhet anak, apnengkanmo lhnak na apmeiok takhaplhet ma'a, apkenmalhneiangka nhan, lhna aptemak: —¿Apvetakhei'e lhma, he? —lhna aptemak Jesús.

Marcos 7:32

Ka apkeliantemaiakmo lhnak lhema enenlhet mennai'a lhma m'a, akientalhnema nhan apalhkok eliatamaha', apkeleltemo lhnak enengkenek apmeiok takhaplhet ma'a.

Lucas 7:12

Ka apkellanketkeskaiakmo lhnak akieto nentalhnemakha atong apiav'akha temma, apkelvetai'o lhnak apkelletsoma apkenmahai'a elkatonnek lhema apketkok apketsepma' m'a. Lhentampe lhnak atka m'a, vanlha lhnak lhema phapak, aplhaniek nak enenlhet'avok apkelieploma m'a.

Marcos 6:13

Kanhan apkelentepkaseiangko lhnak lhamakho aktemakha kasekapok av'alho'ok, apkeleltelhnaskesaiangko lhnak na aceite ankok anmaska apiempeiok ma'a, ka apkeltaqmalveiakmo nhan ma'a.

Hechos 9:17

Ka apmeiekho lhnak Ananias apnakha Saulo, apnengkanvekho lhnak apmeiok takhaplhet ma'a, lhnak aptemak apkanemo: —Eialheng Saulo, Apveske Jesús alhta m'a apvetai'o nak lheiap nalhet amai neksa apmeienta nke'e Damasco, ka heiapaskama ko'o hengke'e kakpota etekha lhma lheiap, elanok na apvalhok Espíritu Santo lheiap —lhnak aptemak Ananias apkanemo Saulo.

Hechos 6:6

Ka apkeliantemekho lhnak napaqtavek nema allapaskamo m'a, apnengkenaiangko nhan apmeio'ok takhaplhet'ok ma'a, apkelelmalhneskeskamo nhan.

Juan 11:3

Ka alapaskamo lhna lhta lhema enenlhet kakpota eltennaskakhak ania'a Jesús, lhta aptak apkano apkapasammap: —Apveske, nemmaskema lhke nkaqhak aptema po'ok apanke' nak apkasekhai'elha lheiap —lhta aptak.

Marcos 5:24

Ka apieplekho lhnak Jesús ma'a, apkelieplekhek nak na enenlhet'avok, nnengkek nak akiaqhapeiangko Jesús ma'a.

Hechos 8:17

Ka apnengkenaiangko lhnak apmeio'ok Pedro kakpota nhan Juan apietsekso'ok enenlhet'avok ma'a, apketlhevaiangko lhnak na Espíritu Santo.

Hechos 9:12

Nietnek lhek akvetai'a apaqtek lheiap kakpota enengkenek apmeiok takhaplhet, kakpota etekha lhma mokhom ma'a —lhna aptemak.