Marcos 4:8 - Nuevo Testamento Toba Maskoy

⁸ Koka mo'ok aktek noka mpalveiakmok aktaqmelakha lhepop, ntasek ankek nak aktekteiapma m'a, lhema apvathetma apaktek na ngvaiakmok 30 apaktek, po'ok nak na 60 apaktek, kakpota nhan 100 apaktek ma'a.

Marcos 4:8 Referans Kwoze

Juan 15:5

Ko'o asto iamet uva, ketlhengkap koka m'a malha aktengok anak. Mang hata nkek helieniakhak helpasmekama ketlhengkap, ngkotnek hata ngkeskama akielhna. Koka helieniakho la helpasmekama, ngkotnek hata metka akielhna, ngkolhek hata nhan aliaqtemeno m'a, nkoliemak hata, ngkolhek na ankesakho kakpota nkoklhalhkak aiseksek talha.

Colosenses 1:6

akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

Marcos 4:20

Kakpota nhan moklhem'a enenlhet ngva'ak aknemo m'a aktek lhek akpalleiam takhalhet aktaqmelakha lhepop. Apkellailhavek ania'a, apkenmek na takha, ngva'ak na aktema ngkeskama akielhna m'a, moklhem'a 30 akielhna, po'ok na 60, po'ok na 100 akielhna —lhna aptemak apkelpeiveskasakho apietkeskama Jesús.

Hechos 17:11

Apkeltakmelkasemmakpo apankavek nak ma'a judios, havek lhnak aptangko nak judios ko Tesalonica, apkelleltakmelkeskamavek nak apkellailhemo apketlhekmoskama Pablo. Apkelleliaiangka lhnak na Vakkahak Eniapom Neten Apaivoma kakpota elvetak have niapak ankek aptemakha apketlhekmoskama Pablo.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Juan 7:17

Apmak'ak hata nkek eliehekhok Eniapom Neten enenlhet, eihok hata aktakha asketlhekmoskama nak aniem'o Eniapom Neten, have aniem'o ehenkok ehenke.

Lucas 8:15

Kakpota nhan moklhem'a enenlhet ngva'ak aknemo m'a aktek lhek akpalleiam takhalhet aktaqmelakha lhepop. Apkeltakmelkasavek apkellailhemo ania'a, apkenmangkek na takha', apkelleliahakhavek nahan, nkoihek na apketlhengkeskama, ngva'ak na aktema ngkeskama akielhna —lhna aptemak Jesús ma'a.

Lucas 8:8

Koka mo'ok aktek nak na mpalveiakmok aktaqmelakha lhepop, ntasek ankek nak aktekteiapma m'a, ngvaiakmek nak 100 aktek lhema apvathetma m'a ¡Eltaqmelkaso no apkellailhemo apaiko'ok anak! —lhna aptemak Jesús apiennakteskamo apaivoma m'a.

Marcos 4:7

Mo'ok aktek nak na mpalveiakmok takhalhet menevke aktek aknaikamok konne lhepop, ka aktengamo lhnak lheme menevke m'a. Nkelapekhek nak anammalhka, lhna songkek mankoilhek ma'a.

Marcos 4:9

¡Eltaqmelkaso no apkellailhemo apaiko'ok anak! —lhna aptemak apkellanemo Jesús ma'a.

Efesios 2:21

Malha aklheikamok neten nema akhesekamok qaselha pa'at la'a aniem'o apkelpasmoma Cristo akvakmo ta akto akpenesalhko alanemmalhka kanhan nkolhek akpokkenkaso Apveske.