Marcos 4:7 - Nuevo Testamento Toba Maskoy

⁷ Mo'ok aktek nak na mpalveiakmok takhalhet menevke aktek aknaikamok konne lhepop, ka aktengamo lhnak lheme menevke m'a. Nkelapekhek nak anammalhka, lhna songkek mankoilhek ma'a.

Marcos 4:7 Referans Kwoze

Lucas 8:14

Moklhem'a enenlhet na ngva'ak aknemo m'a aktek lhek akpalleiam takhalhet menevke aktek aknaikamok konne lhepop. Apkellailhave niekhe' ania'a aktaqmanma, koka vanlha mota atlheianma apvalho'ok patakkom, kakpota nhan apkeleltemo ngkoitek ngkeskama qaselha apanko'ok. Akto nhan alpaiesekha mota apvalho'ok aniem'o allaneskeskama aktaqmelaikama lhma apanko'ok, ka ngkanek elvangkamangkok ania'a nak, mamma apkellanai'a qaselha aktaqmanma.

Lucas 21:34

Ellaho ta ketlhengkap nkoliennak apvalho'ok aniem'o apkellanekamok ngkollatsekama, apienaikamok anmen kakpota nhan aleltaikama apvalho'ok, ngkanek nkoplapkesek hata akvai'a nnelha aknem alhma nkek ham takhaplhet'ok ketlhengkap. Ka kto nak nel·hanma nak, nkoplapkesek akmama qaselha nevhak.

Lucas 12:15

Ka apkellan'o lhnak Jesús enenlhet'avok ma'a, lhna aptemak: —Ellaho ta m'a, meteniamo nke mota ngkeskama apkelletsekama ketlhengkap ngkanek nenganiemhaikama nak have akteiapmakha m'a aiseksek anak ngkeskama nak netsekama —lhnak aptemak Jesús ma'a.

Lucas 8:7

Mo'ok aktek na mpalveiakmok takhalhet menevke aktek aknaikamok konne lhepop. Ka aktengamo lhnak lhemek menevke m'a, nkelapekhek nak anammalhka, ka aletsepmo nhan ma'a.

Marcos 4:6

Netamen akteiapmo lhnak aknem, aliemai'o m'a, aletsepmo nhan apkanmalhkek ma'a, ngkanek mamma aikapmen'ok.

Marcos 4:8

Koka mo'ok aktek noka mpalveiakmok aktaqmelakha lhepop, ntasek ankek nak aktekteiapma m'a, lhema apvathetma apaktek na ngvaiakmok 30 apaktek, po'ok nak na 60 apaktek, kakpota nhan 100 apaktek ma'a.