Marcos 3:5 - Nuevo Testamento Toba Maskoy

⁵ Nnatheskangkek nak Jesús, aiosek na ntemak apvalhok apvetai'o aliennaktema apvalho'ok enenlhet'avok ma'a, lhna aptemak apkanemo enenlhet akiaqsekha apmek ma'a: —¡Epeivesekha no apmek! —lhna aptemak. Apkasekhai'avek nak, ka aktaqmelekho lhnak apmek ma'a.

Marcos 3:5 Referans Kwoze

Lucas 6:10

Apkellanei'avek nak Jesús aplhamakho enenlhet'avok, lhna aptemak apkanemo enenlhet nak ma'a: —¡Epeivesekha no apmek! —lhna aptemak. Ka apeivesekho lhnak apmek ma'a, kolhvavek ankek nak ntaqmelekhak.

Efesios 4:18

Malha alpaiseiam na alketamekama apvalho'ok ma'a, taiepek na Eniapom Neten aniem'o meliangveiakmo, aniem'o nhan aliennaktema apvalho'ok.

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

Apocalipsis 6:16

Nkelpaihema lhta apatno'ok apkelpaqmetkeso metaimong aliaqiema kakpota nhan nalhma akhaiam, lhta aptangkok apkellano: —Koiaqnen tekhenlhet'ok angelielhanmok kakpota manghengelvetiek apto apnema aptanema apveske kanhan Nepkesek Apketkok aploma,

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

Hebreos 3:17

¿Se lha nhan enenlhet'avok m'a ie aplomo apkellanei'o Eniapom Neten akvakmo 40 iantelhkapa, he? Koka nhan apkellelto lhnak nanek apkellanekamok ngkollatsekama m'a, apkeletsepmo nhan aplhamakho akieto m'a iokhalhma metkelha temma.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

Efesios 4:26

Hata nhan apkellavo la ketlhengkap, mellanko nkek nkoiavangkok akvakmo apkellan'o ngkolatsekama, melvenaktesamo nkek na aknem

2 Corintios 3:14

Koka mang nak nanek nkomahai'ak eliohok ma'a, ka nenvanlha nak na aptavana'ak neptamen apkelietsatengko la vakkahak aktalhesammalhka lhennenga annemo mo'ok apvalho'ok apkenmahai'akha etnangkok, man na eliamok ma'a, malha niekhe nhan apkelapma la napaqta'a ietamopai'a napokha, apkeliaseiangke lhma m'a kakpota melvetie lhma m'a, meliehek nahan, vanlha koka nhan Cristo apto apmopvana el·hatsoskasangkok ma'a.

Juan 9:7

lhta aptak apkano: —Eniakha ha'e pangkalhva nak alanemmalhka metaimong akvesai'a Siloe, nema altema koka nema apaskama, elienieskakha ta apaqto'ok ma'a —lhta aptak. Ka apmeiakho lhta m'a, apkelienieskakho lhta apaqto'ok, aptaqhave lhta mokhom neptamen ma'a aknakho lhta nhan apaqto'ok ma'a.

Lucas 17:14

Ka apkelvetai'o lhnak Jesús ma'a, lhnak aptemak: —Enmeiakha Eniapom Neten apnemakha kakpota elvetak sacerdotes ma'a —lhna aptemak. Neksa apketlhengama lhnak nalhet amai ma'a, alalhnekho nhan apiempeiok ma'a.

Lucas 13:15

Ka apkatemmoiangka lhnak Apveske, lhna aptemak: —¡Hengiennengkeskama niapma'ak ketlhengkap! Apkenmakmema nhan aknem sabado nennekhelha la'a, apkel·hatsoskeskakhe mota tama apnaqtoskama buey, iama malekka nhan kakpota elaqlakhak ellangkongvakhak iemmen.

Hebreos 3:10

Ka nkeniemai'ak ma'a aslomo nanek askellanei'o kolhva apkaktengaikamok neptamna'ak ma'a, lhnak nanek astemak askellanemo hengke'e: "Vanlha mota allaniemhaikama apvalho'ok malha atlheneiam la'a, mankonmahai'ak nkoliangvomhok amai ehenkok anak".

Marcos 3:4

Netamen apkelelmalhneiangka lhnak enenlhet'avok, lhna aptemak: —¿Ngkeltemengke nlho ley Moises angellanak qaselha altaqmelo aknem sabado nennekhelha, nlho ka la ngkollatsekama, he? ¿Ngkeltemengke nlho nhan ley Moises angvongkesek tep lhema enenlhet, nlho ka la nhan antevaksek enenlhet aknem nennekhelha la sabado, he? —lhna aptemak. Apkelvanmongkek noka enenlhet'avok ma'a, mang noka nkonmahai'ak ellatemmoma m'a.