Marcos 16:18 - Nuevo Testamento Toba Maskoy

¹⁸ Enmok hata nha niekhe menasma, apienangko la nha niekhe aimenek hengaqhemo, mankoltemeskesama ta m'a. Eniakhesangkok hata nhan apmeio'ok takhaplhet anmaska apiempeiok, eltaqmelekhak hata m'a —lhna aptemak Jesús.

Marcos 16:18 Referans Kwoze

Lucas 10:19

Askellangke lhta ko'o apkelmopvanka'a ketlhengkap kakpota elteianmangkok menasma kakpota nhan iettaha', kakpota apvanka'ak eltemeskasekhak koneng apkellammelhma, mangkolhek hata aktakha ketlhengkap.

Hechos 19:12

Apkelletsomo nhan ietamopai'a napokha'ak kakpota nhan apkelentalhnema kakpota emangvomok Pablo m'a kakpota elletso'ok apnangkolha la anmaska apiempeiok kakpota enmangvomok ma'a, eltaqmalvomok nahan, nkolentepok na kasekapok av'alho'ok ngkollatsekama apvalho'ok ma'a.

Hechos 4:30

Elvetaskes hata apmopvana eltaqmelkeskamok anmaska apiempeiok enenlhet'avok, elanak qaselha mongenatkeskama kanhan qaselha hempelapkeskama akieplomo apvesai'a Jesús apto apokkanma apkasennaikama lheiap —lhna aptaiangkok apkelelmalhnongkomo m'a meliaskeiam.

Hechos 3:16

Aniem'o koka nhan mei'askeiam apvesai'a m'a aptaqmalvakmo lhkek enenlhet anak hengke'e apkeliekpelkemelha nak ketlhengkap.

Hechos 9:34

Lhna aptemak Pedro: —Eneas, Jesús hata etaqmelkasekha kolhvave nak, etnemekha neten, eliaqsasekha nema aktankeskama nak —lhna aptemak. Kolhvavek ankek nak apkenmekhak neten ma'a.

Hechos 3:12

Netamen lhna aptemak Pedro apkellanemo m'a: —Ketlhengkap enenlhet ko Israel, nkeliemaskek lhek apvalho'ok apkellan'o aptaqmalveiam enenlhet anak hengke'e. Apkellanek na ketlhengkap aniem'o nenmopvanka'a engankave kanhan neltaqmelkasemmalhko ennengko'o, koka have niekhe m'a.

Marcos 5:23

—Eietno neha'at, mmak'ak lhek ngkotsepok eietka. ¡Nok, enengken hata apmeiok takhalhet kakpota mangkotsepe, ngkoloka ta mokhom! —lhna aptemak Jairo.

Romanos 16:20

Ketse nkaimelhka Eniapom Neten apto aktaqmelaikama engvalho'ok aniapom apteiokmek apaieskamo Satanas, epekkanvetak hata nhan koneng apmangkok ketlhengkap ham. Hai', askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham.

1 Corintios 12:9

Napokha nhan apketlhevangkok ngkeskama meliaskeiam, napokha nhan apketlhevangkok apkenmopvanka'a eltaqmelkeskamok anmaska apiempeiok aniem'o koka nhan ma'a nheklhek Espíritu lhkek.

Hechos 4:10

Aleltennasangko ta ketlhengkap kakpota nhan aplhamakho enenlhet'avok ko Israel, ka enenlhet alhta aptaqmalveiam aniem'o koka m'a apvesai'a Jesús ko Nazaret, apkellaqhema lhta ketlhengkap neten iamet aktenneskama, Eniapom Neten alhta nhan aplhatekhaskakmok ma'a.