Marcos 15:43 - Nuevo Testamento Toba Maskoy

⁴³ Lhema enenlhet nak apvesai'a José ko Arimatea, apiavekho lhnak apnakha apveske Pilato kakpota elmalhnengvakhak Jesús aphapak ma'a, mang nak na eniai'ak ma'a. José lhnak na apto apkemhama apmanie apieseksek apkelveskai'e apkeliav'akha, apkelailhemo lhnak na akvai'a aknem aptaiekha ta apveske Eniapom Neten ma'a.

Marcos 15:43 Referans Kwoze

Lucas 2:38

Neksa akvetai'a lhnak nematka m'a, kolhvavek ankek nak ntemak gracias Eniapom Neten ma'a, aleltennaseiangka lhnak aptemakha nematka nak aptangko la apkelel·halhanma aknem ngkolhek al·hatsoskakho neksa nema anmama.

Lucas 2:25

Apnengkek nak ma'a lhema enenlhet apvesai'a Simeon, apeivomo lhnak ma'a, apkeliehekho lhna mota Eniapom Neten. Avanhek ankek nak apkel·halhanma ngkolhek hata alpaieskeskakmo apvalho'ok ko Israel, Espíritu Santo lhna songke mota aplhelhma m'a Simeon.

Hechos 17:12

Apentelhek nak enenlhet'avok meliaskeiakmo m'a kakpota nhan enenlhet neten apankavek, ngkelvana'a nhan alemhama amaniaie ko Grecia.

Juan 19:38

Ka apmeiekho lhna lhta José ko Arimatea apnakha Pilato m'a, apkenmalhnengvekho lhna lhta Jesús aphapak kakpota esakhak ma'a. Apkasekhai'avek na lhta Pilato m'a. Apielhammakpek na lhta José aptemo apkeltameskama Jesús ngkanek apkelemhama apmaniaie' judio lhna lhta apkellai'ak ma'a.

Filipenses 1:14

Neksa apkellengai'a lhnak lhta engelialheng'a asnema nengaqlhengkasemmalhkelha nak, avanhek na lhta apkelvaskapekho apkelpaieskama ania'a aktaqmanma metka apkellai'a akieplomo nhan meliaskeiam Apveske.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Marcos 15:44

Niemaskangkek nak apvalhok Pilato aplengai'o apketsepma kolhvave Jesús ma'a, ka apkaveiangka lhnak lhema soldado kakpota epeiveskakhak aktema iokhalhmek ania'a.

Lucas 23:50

Apnengkek nak na m'a lhema enenlhet apvesai'a José, ko na temma Arimatea lhnak ma'a, iokhalhma Judea. Apiamolhma lhnak ma'a, apeivomo nhan, avanhek nak apkeltemo nkovak aptaiekha apveske Eniapom Neten. Apto lhnak na apketlhelhma'ak apkelemhama apmaniaie' Judios neten apankavek, koka mang noka nkoleklemok apvalhok aptaiangkolha' apkellanei'o Jesús ma'a.