Marcos 11:33 - Nuevo Testamento Toba Maskoy

³³ Netamen nak ma'a apkellatemmoiangka lhnak: —Mangeliohok ennengko'o se lha aikamok apientalhnemo Juan —lhna aptaiangkok ma'a. Lhna aptemak na Jesús ma'a: —Ko'o nhan moltok alhenek se lha heiaikamok asientalhnemo nak kakpota alanak lhamakho qaselha nak —lhna aptemak Jesús ma'a.

Marcos 11:33 Referans Kwoze

2 Corintios 3:15

Akvakmo nhan nenvanlha nak apkelietsatengkek niekhe vakkahak apankok Moises, malha koka ntemak meliamo la'a ngkanek nietnek malha apkelapkeskama napaqta'a ietamopai'a napokha.

Romanos 1:28

Mankonmahai'ak enmok takha Eniapom Neten, ka ngkanek etlhekhak kakpota elieplavkesek apankavek ngkollatsekama alketansema apvalho'ok, ellanangkok ngkollatsekama.

Juan 9:27

Ka apkatemmoiangka lhna lhta mokhom ma'a, lhna lhta aptemak: —Askeleltennaskek lhek ketlhengkap, koka man lhek hellailhoho. Se lha ngkotnek altakhengveskakha alheianma, ketlhengkap kelha nhan apkenmak'ak etnangkok apkeltamesaikamok ma'a —lhna lhta aptemak.

Juan 3:10

Ka apkatemmoiangka lhnak mokhom Jesús ma'a: —¿Ma nlho eihok lheiap, he? Tokha la niekhe hengetlhekmoskama apanko'ok Israel.

Marcos 11:32

Have ta nhan anlhenek enenlhet apkaikamok apientalhnemo Juan —lhna aptaiangkok apkelpaqmetkesammakpo mok apankavek ma'a. Mang nak nkomahai'ak etlhenek ma'a, ngkanek enenlhet'avok nak apkellai'ak ma'a, apkeliamavek nak enenlhet Juan apto apkeltennasemmap ania'a apanke'.

Marcos 12:1

Apketlhekmoskangkek nak lhema apietkeskama mokhom Jesús, lhna aptemak: —Apkanmek nak alhkapok uva lhema enenlhet aniep apankok, aphalhtengkeskamo lhnak na nekhav'ak ma'a. Apkelanei'o lhnak apkelanei'akha iama anmen aimenek kakpota nhan apkellamelhaiangkelha neten neiava aniep apankok. Netamen apteniai'o lhnak na enenlhet apkenmaikama sekhek aniep apankok nema akianmoma m'a, ka aplhengamo lhnak na netamen ma'a.