Marcos 10:34 - Nuevo Testamento Toba Maskoy

³⁴ Elvannama ta nhan ma'a, eliaqpelhketangkok hata nhan ma'a, elelhpaqhangkok hata nhan apkeliemanong ma'a, ennapok hata nhan. Koka hanetolhem'a knem hata ngkotnek apketsepma m'a, elhatekhangvomok hata mokhom —lhna aptemak ma'a.

Marcos 10:34 Referans Kwoze

Marcos 14:65

moklhem'a lhnak apkelhpakhaiangkok apiemanong ma'a kakpota nhan apkellapkeskangkek nak na apaqto'ok. Apkeltekpongangkek nak na m'a, lhna aptaiangkok apkellanemo: —¡Eihono aktekpongo nak! —lhna aptaiangkok. Apkellanekama atong Eniapom Neten apnemakha lhnak na apkeltekpongamak napa'at Jesús ma'a.

1 Corintios 15:4

Nnengkek nak aklhengkeskaiakmo nhan metaimong alhva aphapak ma'a, nemo nhan aklhatekhaskeiakmo neksa apketsepma m'a akvakmo hanetolhem'a aknem, ka ntemak ma'a aklheianma Eniapom Neten Apaivoma.

Juan 2:10

lhta aptak apkano: —Aptaiangkolha apankavek mota enenlhet ellangkok amanie vino aktaqmanma, koka melleso la apienangko apkellelto apkelpasengvai'a, netamen ellangkok mokhom mo'ok vino iama aktaqmanma. Koka alpeivekha aptak lheiap, alhaie apkellangkok vino neten ankek aktaqmanma —lhta aptak apkemhama apmanie nema allennengkasekama.

Lucas 23:11

Ka apkelempai'akha lhnak apkelvannaikama kempokhakme kakpota nhan apveske Herodes. Apkelentalhneskasekho nhan aptalhnema apmennave, malha apveske aptalhnema, apkeltaikama lhnak apankek ma'a apkelvannaikama lhnoka m'a. Netamen Herodes apkapasekho lhnak mokhom Jesús napaqtek Pilato m'a.

Marcos 14:63

Neksa aplengai'a lhnak ma'a, apkeliaptemo lhnak apkelentalhnema apto apiav'akha sacerdote m'a aniem'o aknatheskama, lhnak aptemak: —Aptevaske apvesai'a Eniapom Neten enenlhet anak, melaimekpok angeleliama mokhom enenlhet kakpota etlhenek apkelanai'a ngkollatsekama, ntasek angaqhek —lhna aptemak. Lhamakho apkelveskaie lhnak apkeleltemok ematong Jesús ma'a,

Marcos 9:31

Vanlha lhnak apkeltemo mota etlhekmoksek apkeltamesaikamok. Lhna aptemak apkellanemo Jesús: —Elpathetek hata enenlhet'avok ma'a Enenlhet Apketka nak, ellangkongvomok hata apkellammelhmakha kakpota nhan ematong ma'a. Koka hanetolhem'a aknem hato ka ngkotnek elhatekhangvomok ma'a —lhna aptemak apkellanemo m'a.