Marcos 10:32 - Nuevo Testamento Toba Maskoy

³² Apkenmeiekho lhnak aplhamakho enenlhet'avok akieto m'a Jerusalen, apmaniaie lhnoka aplhengama Jesús. Nkeliemaskangkek nak apvalho'ok ma'a apkeltamesaikamok apketlhengamo neptamen, apkellai'o lhnak na m'a. Ka apkellaveiangka lhnak Jesús apkeltamesaikamok apkeliantemo lhnak tep apketsek mok apankavek ma'a, apkeleltennaskamo lhnak akmak'akha ta ngkotnek apkaniemhaikama, lhna aptemak:

Marcos 10:32 Referans Kwoze

Lucas 9:51

Ketsek nak nkaimommalhka aknem apmeiekhelha' neten Jesús ma'a, apmeiekhek noka apankek ma'a Jerusalen metka apkai'a.

Juan 11:16

Koka Tomas, mo'ok nemaltema apqanet apalleiam, lhta aptak apkellano apkeltemo lhemek apkeltamesaikamok Jesús: —Nok, antangkok netlhelhma'ak Jesús, angelletsepok hatelha lhemek ma'a —lhta aptak ma'a.

Juan 11:8

Koka ma lhta nkonmak'ak enmeiakhak ma'a, lhta aptangkok ma'a: —Hengetlhekmoskama, apkenmak'a alhta ennapok judios lheiap ma'a, ¿apmak'a nlho eniakha apankek lheiap ma'a, he? —lhta aptangkok.

Lucas 10:23

Netamen nak ma'a lhnak aptemak na apkellanemo apkeltamesaikamok: —Aktaqmelakho nkek ketlhengkap apkelvetai'o qaselha akvetammalhka nenvanlha nak,

Marcos 4:34

Vanlha lhnak aplheianmo mota apietkeskama napaqtavek ma'a. Lhnoka apkakhangko la lheme apkeltamesaikamok, elpeiveskasekhak nak akietemo nkek aktemakha apietkeskama m'a.

Marcos 1:27

Nkeliemaskangkek nak apvalho'ok enenlhet'avok ma'a, apkelpaqmetkesammakpo lhnak mok apankave, lhna aptaiangkok: —¿Se lha enenlhet ai'e? Apientelhe panke nak, alhnankok anak na hengetlhekmoskama. Mana ngkolhnok kasekapok alpaiseiam av'alho'ok aiempehek, nkellasekhave nak na apaivoma m'a —lhna aptaiangkok enenlhet'avok ma'a.

Lucas 19:28

Apeneskangkek nak apketlhekmoskama Jesús ma'a, ka apkempakho lhnak mokhom aplhengama akieto Jerusalen,