Marcos 1:32 - Nuevo Testamento Toba Maskoy

³² Apkelienaktesekama lhna lhma m'a, aplaqlentamo lhnak anmaska apiempeiok kakpota nhan enenlhet anmaikama kasekapok av'alho'ok apnakha Jesús.

Marcos 1:32 Referans Kwoze

Lucas 4:40

Apienakteskangkek nak ma'a, apkelletsakheskamo lhnak anmaska apiempeiok apnakha Jesús. Ka apnengkanmo lhnak apmeiok takhaplhet'ok moklhem'a anmaska apiempeiok ma'a, apkeltaqmelekho lhnak na.

Marcos 3:2

Nnengkek nak aliaskamo Jesús ma'a kakpota ngkolhek akvetangko aptaqmelkeskaiam enenlhet anak kakpota elhenakpok apiekai'a aknem sabado nennekhelha.

Marcos 1:21

Ka apvekho lhnak Jesús kakpota nhan apkeltamesaikamok natemma Capernaum, aknem nennekhelha sabado lhna ntemak ma'a. Ka apkelentalhnemo lhnak konne apkaqnekhelha judios ma'a, apkempai'akha sekha lhnak na apketlhekmoskama Jesús ma'a.

Marcos 1:31

Ka apteteskaiakmo lhnak Jesús ma'a, apmamo lhnak amek, apnesekho lhnak na neten ma'a. Ntaqmelekhek nak ma'a, netamen alpasmomo nhan aplhamakho m'a.

Lucas 4:41

Nkelpaihekama lhnak atno'ok kasekapok av'alho'ok allenteiapmo apvalho'ok moklhem'a enenlhet'avok ma'a, lhna ntaiangkok: —¡Eniapom Neten Apketka lheiap! —lhna antaiangkok ma'a. Ka apkeliamenaiangka lhnak Jesús kasekapok av'alho'ok, mang nak na eltemok nkolpaiesama apvesai'a m'a nkanek nkeliavek na songkek apto Cristo.