Lucas 9:7 - Nuevo Testamento Toba Maskoy

⁷ Niemaskangkek nak apvalhok aplengai'o apveske Herodes ania'a aplhenammap Jesús lhamakho aktemakha qaselha apkelanai'a m'a, lhna aptaiangkok enenlhet'avok: —Juan annenga m'a, aplhatekhangveiakmek kelha m'a —lhna aptaiangkok.

Lucas 9:7 Referans Kwoze

Lucas 9:19

Ka apkellatemmoiangka lhnak apkeltamesaikamok ma'a: —Moklhem'a enenlhet apketlhenkek apto lheiap Juan apkellavkeskama iemmen aniapom alhta. Po'ok na apketlhenak Elias apkeltennasemmap ania'a annenga lheiap. Napokha nhan apketlhenak apto lheiap apkeltennasemmap ania'a annenga aplhatekhangveiam —lhnak aptaiangkok ma'a.

Lucas 3:1

15 iantelhkapa lhnak ngvaiakmok aptema apveske neten apankek Tiberio Cesar m'a iokhalhma Roma. Poncio Pilato lhnoka gobernador iokhalhma Judea, Herodes Antipas noka m'a apto gobernador iokhalhma Galilea. Filipo Herodes apialheng koka gobernador hanet iokhalhma alvesai'a Iturea kakpota nhan Traconitide. Lisanias koka gobernador iokhalhma Abilene.

Lucas 21:25

—Nkolvetalhkak hata qaselha mongenatkeskama aknem neten anak, pelten, kakpota nhan piav'a, nkolievhama ta m'a. Meliehek hata aptangkolha enenlhet'avok, enmenangkok hata m'a aniem'o apkellengai'a alhtengioma aiempek iemmen alakhaiam alvata.

Marcos 8:28

Ka apkellatemmoiangka lhnak ma'a, lhna aptaiangkok: —Moklhem'a enenlhet apketlheianma lheiap Juan apkellavkeskama iemmen na niapom. Napokha enenlhet apketlheianma nhan Elias apkeltennasemmap ania'a annenga, moklhem'a nhan apketlheianma lheiap apto apkeltennasemmap ania'a annenga —lhna aptaiangkok apkellatemmoiangka m'a.

Lucas 13:31

Apkelvai'ak nak fariseos apnakha Jesús ma'a, lhnak aptaiangkok: —Jesús, etaqhekha ta, Herodes lhek apmak'ak eniaqhek lheiap —lhna aptaiangkok.

Lucas 23:7

—Hai', tokha ham. Aklheianvekho lhnak apvalhok Pilato m'a mankoietemo eiekpelkok Jesús, ka apkapaskamo lhnak napaqtek apveske ko Galilea apvesai'a Herodes Antipas. Nietemavek nak aptemo amaika'a Herodes ma'a na temma Jerusalen.