Lucas 9:5 - Nuevo Testamento Toba Maskoy

⁵ Koka menmakpo la takha ketlhengkap na temma la'a, elpalesemma ta lhepop aktek apmanko'ok napaqtavek ma'a apkelvetaskeskama nkovak hata akiaqmoienta m'a, netamen eltaqho ta m'a —lhnak aptemak Jesús ma'a.

Lucas 9:5 Referans Kwoze

Hechos 18:6

Apkellammelhmek noka judios ma'a kakpota nhan apkeltaknongvekha Pablo m'a, ka apalhnelhkaiangka lhnak aptalhnema Pablo apkeltemakha lhna mota judios ma'a, lhna aptemak apkellanemo: —Ema apanko'ok apankavek hata nkopallentak takhalhet apqatko'ok anak ketlhengkap, have ko'o aniemai'a nema aliaqmongkaskesekha nak apkeltemakha, kolhva amhangkok hata m'a atlhekmoskamok apieseksek anak metnangko nak judios —lhna aptemak Pablo.

Hechos 13:51

Ka apkelenteiapmo lhnak Pablo m'a kanhan Bernabe, apalesaiakmo lhnak apmanko'ok lhepop aktek aniem'o apkeltaknongkoma enenlhet'avok anak ma'a, ka apkenmeiakho lhnak iokhalhma Iconio.

Marcos 6:11

Mang hata nkek enmakpok takha m'a, kakpota nhan mankonmak'o la ellailhok apketlhekmosekamok, elpalesemma ta lhepop aktek apmanko'ok napaqtavek ma'a apkelvetaskeskama nkovak hata akiaqmoienta m'a —lhna aptemak Jesús apkeleltennaskamo apkeltamesaikamok.

Lucas 10:16

Netamen ma'a, lhna aptemak Jesús apkellanemo apkeltamesaikamok: —Koka apkellailho la enenlhet apketlhekmosekamok ketlhengkap, hellailhavek na ko lha m'a. Koka enenlhet apkeltaknevo la ketlhengkap, heltaknevakkek na ko lha, kakpota nhan apto lhta heiapaskama —lhna aptemak Jesús apkellanemo m'a.

Lucas 9:48

lhna aptemak: —Apto la apmama takha nematka nak hengke'e aniem'o asvesai'a, hemek na takha' ko'o. Apto la nhan hemama takha ko'o, apmek na takha m'a apto lhta heiapaskama. Enenlhet apto la metka apiaspommap apieseksek anak ketlhengkap, koka apto neten ankek apiaspommap napaqtek Eniapom Neten ma'a —lhna aptemak.

Marcos 9:37

—Enenlhet apto la apmama takha akmak'akha la nematka ka apto nak nematka nak hengke'e aniem'o asvesai'a ko'o, henmek na takha ko'o. Enenlhet apto la hemama takha ko'o, apmek na takha apto lhta heiapaskama —lhna aptemak Jesús.

Lucas 5:14

lhna aptemak Jesús apkanemo: —Meleltennasama nkek enenlhet'avok aktakha nak apvetai'a. Ei'okha toka sacerdotes kakpota nhan esakhak lhema apkaikamok qaselha alhnekha apiempek ankok apkeltemo lhnak nanek Moises, kakpota elvetak sacerdotes apto have niapak ankek aptaqmelekha lheiap —lhna aptemak Jesús apkanemo m'a.

Lucas 9:4

Apkelvakmek hata nkek lhema pa'at la'a, eniakhamok hata m'a akvakmo apkeltaqhemo mokhom.