Lucas 9:41 - Nuevo Testamento Toba Maskoy

⁴¹ Koka lhna ptemak Jesús apkellanemo: —¡Apkeliaskeiam ketlhengkap, meliamolhma nhan, heiastengangke niekhe, mankoleklemo niekhe nhan evalhok aspalhkaiangka mota ketlhengkap! ¡Ngva', eiantementano apketka halep! —lhna aptemak Jesús.

Lucas 9:41 Referans Kwoze

Juan 20:27

Koka lhta aptak apkano Jesús Tomas: —Elanho no emeiok kakpota nhan neheqha, emangvom no eskepok ehenkok anak, mei'askakmok heto'o astema ehalhnankok mokhom —lhta aptak.

Juan 14:9

Koka lhta aptak mokhom Jesús apkatemmongka: —Felipe, lhennenga ntak asnema apieseksek anak ketlhengkap, ¿mokhom anlho menheiekpelkema lheiap, he? Enenlhet apto la hetai'a ko'o, apvet'ak na Eniapom. ¿Se lha akto apkelto lhkek alvetaskesek Eniapom, he?

Marcos 9:19

Koka lhna aptemak Jesús apkellanemo m'a: —¡Apkeliaskeiam ketlhengkap, heiastengangke niekhe, mankoleklemo niekhe nhan evalhok aspalhkaiangka mota ketlhengkap! ¡Ngva', eliantementa no apketkok anak halep! —lhna aptemak

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

Hebreos 4:11

Hai, ntasek koka mota anteniangkok eniempeiok kakpota angelentalhnengvomok ma'a neniamposammalhkelha, montangkek ma'a aptaiangkolha lhnak nanek enenlhet'avok apkeliaskeiakmek nak nanek ma'a.

Hebreos 4:2

Nnengke lhta hengeleltennaskamo ennengko'o ania'a aktaqmanma nak, ka ntemak na nelieihengka'a m'a apkellengai'ak nahan, aqhemo koka ntemak ngkanek apkeliaskeiakme lhta m'a ania'a nak.

Hebreos 3:19

Hai', lhnak nane ntemak ma'a, neliavek ennengko'o mankonmopvanko nak apkelentalhnemo m'a aniem'o apkeliaskeiam.

Romanos 2:4

Mevannama lheiap akiavai'a nkek apiamolhma Eniapom Neten, mepekhaksek na etaknevak lheiap apkelan'o la qaselha ngkolatsekama. Hai', have niapak ankek apto apiamolhma apankek Eniapom Neten ma'a, apkeltavek eiaqmongkasekha mo'ok apvalhok lheiap, elvataksek na qaselha ngkolatsekama apkelanai'a.

Hechos 13:18

Malha 40 iantelhkapa lhna ntemak apkelaktemmap ma'a iokhalhma metkelha temma, apkeltakmelkeskangkek nak nanek na Eniapom Neten ma'a.

Hechos 2:40

Aplhengkeskangkek nak Pedro apkeleltennasekamok ma'a apkanemakha eltehek, lhnak aptemak: —¡Elvongkasap tep apieseksek anak enenlhet'avok apkellanekamo mota ngkolatsekama nenvanlha nak! —lhna aptemak.

Lucas 8:25

Ka aptemo lhnak apkellanemo Jesús apkeltamesaikamok: —¿Se lha aktemo apkeliaskeiakmo nak ke, he? —lhna aptemak. Nkeliemaskangkek nak apvalho'ok apkelvetai'o m'a, apkellai'ak nak na m'a, lhna aptaiangkok apkelpaqmetkesammakpo mok apankavek ma'a: —¡Se lha enenlhet ai'e, vakho alhkaiam anak kanhan iemmen alakhaiam nkeliahakhoho! —lhna aptaiangkok ma'a.

Marcos 10:49

Ka apkenengvaiakmo lhnak Jesús ma'a, lhnak aptemak: —¡Ellavamanoho! —lhna aptemak. Ka apkellaveiangka lhnak enenlhet Bartimeo m'a, lhna aptaiangkok: —¡Elheng nak, meniaga, Jesús apkavemaha! —lhna aptaiangkok ma'a.

Marcos 10:14

Natheskangkek noka nhan Jesús, lhna aptemak apkellanemo apkeltamesaikamok: —¡Meliasamo lhma nematkak anak anmahai'a helteteska! Ngkanek allelto nhan anko'ok aptema nak Apveske Eniapom Neten.

Lucas 9:40

Askeltavek lhe niekhe apkeltamesaikamok anak lheiap elienieskasekha kasekapok av'alhok anak, man lhe nkollapvanka'ak ma'a —lhna aptemak apiapom.

Lucas 9:42

Sekha apmahai'a eteteskamok nak apketkok anak apkenmangkelha' Jesús, ka aktakho mokhom aliakpelhketo lhepop kasekapok av'alhok, mang na ngkeskama alpelhiennengkeskamo. Koka Jesús apkeliaskangkek na lhma' kasekapok av'alhok akpaiseiam ma'a, aptaqmelkasekho apketkok anak, apkaikokho nhan apiapom ma'a.