Lucas 9:16 - Nuevo Testamento Toba Maskoy

¹⁶ Netamen nak ma'a apkenmamo lhnak 5 pan Jesús kakpota nhan hanet kelasma, apkammelhmo lhnak neten, aptemo nhan gracias Eniapom Neten. Apkellaiangko lhnak na apkeltamesaikamok ma'a kakpota ellaskangkok apieseksek enenlhet'avok ma'a.

Lucas 9:16 Referans Kwoze

Lucas 24:30

Apkakhaiangkek nak aptaveikokho m'a, ka apmamo lhnak pan Jesús, aptemo lhnak na gracias Eniapom Neten, apkellaiangko nhan ma'a.

Romanos 14:6

Apkellelto nak apkelpokkenkeskama lhema aknem anke kakpota eltakneskasangkok Apveske, apteniaikamok mota apkellai'o m'a. Apkellelto nak na apkeltaseiama lhma, apteniaikamok na mota apkellai'o Apveske kakpota nhan etnangkok gracias Eniapom Neten. Apkellelto nak meltaseiama lhma, apteniaikamok na m'a apkellai'akha la'a Apveske kakpota nhan etnangkok gracias Eniapom Neten ma'a.

Hechos 27:35

Ka apmo lhta pan Pablo m'a, apto lhta nhan gracias Eniapom Neten, apkennasko nhan, aptavo nhan.

Juan 6:23

Ka apkelvetai'o lhna lhta nhan atlheiakmo aklhamakha loma nemmen alleniemai'o m'a na temma Tiberias, nengaqte lhta aptemakha lhta gracias Eniapom Neten Jesús ma'a, apkellaiangkelha lhta nhan aptekamok enenlhet'avok apentalhnema m'a.

Juan 6:11

Ka apkenmo lhta Jesús pan, apto lhta nhan gracias Eniapom Neten, apkellangko enenlhet'avok ma'a, nnavek alhta nhan kelasma. Aptavengke lhta lhamakho enenlhet'avok ma'a

Lucas 22:19

Ka apmamo lhnak na pan, aptemo nhan gracias Eniapom Neten, apkeliapto nhan, apkellangko apkeltamesaikamok. Lhnak aptemak: —Koka hengke'e ehepetek, allangkok hata henaqtevaksek kakpota elvongkasakpok tep ketlhengkap, kolietnekho ta mota apaqto'ok ko'o apkellanengko la'a neksa aktaqmelaikama lhma' nak ketlhengkap —lhna aptemak Jesús apkellanemo apkeltamesaikamok.

1 Corintios 11:24

aptemo lhnak na gracias Eniapom Neten ma'a, ka apkeliaptemo lhnak, lhna aptemak apkellanemo apkeltamesaikamok: —Enmamok, etavamok pan anak, koka akto akietkesammalhka asiokha ham nkoliaqtalhkak hata kakpota nkoltaqmelkeskesek apkellangiemhaikama ketlhengkap, etnamok hata mota alietnekho la apaqto'ok astemakha ko'o —lhna aptemak apkellanemo Jesús apkeltamesaikamok ma'a.

1 Corintios 10:30

Stemenke mota gracias Eniapom Neten ko'o amanie asmahai'a la atvok astoma, mangkolatsema hetlhenama aniem'o astaseiam alhma.

Marcos 7:34

Ka apkammelhmo lhnak neten, aptepkeskamo lhnak apkamnoma, lhna aptemak: —¡Efata! Neltema, ¡konmaihekha!

Lucas 9:15

Ka apkeleltennaseiangko lhnak apkeleltemo eniakhangkok enenlhet'avok ma'a.

Lucas 9:17

Aptoiangkek nak aplhamakho m'a akvakmo apkeliapqanakmo, 12 iama posak nak nteiapmak apkeliakhekha alaimommalhka aptekamok ma'a.